A boke of the propreties of herbes called an herball wherunto is added the time [the] herbes, floures and sedes shold be gathered to be kept the whole yere, wyth the vertue of [the] herbes when they are stilled. Also a generall rule of all maner of herbes drawen out of an auncyent booke of phisyck by W.C.

❧ Hic incipit litiera .B. (Book B)

Et primo de Bethonia.

BEtyn men do call this herbe, y^e vertue of thys ••erbe is thys, yf it be stamped and thā layd to a wounde in y^e head that is smiten with a stroke it shal heale the wound fayre, and drawe out the brokē bones if ther be any as leches do say, also yf a mannes eyes do ake, take the water or the ioyce therof, & it shal amende ••hem greatlye. Take Betin and stampe hym and temper hym wyth water or with wyne warmed and drynke it .x. dayes and it shal destroye any webbe in the eyes of any persone. Also if your eies be waterye, eate euery daye a lyttell betayne, and it

shal do the much good, also if you haue akynge eares, take the ioyce therof & temper it with rose water, and warme it a lytle and droppe it in thy eares and stoppe them wyth wolle, and thou shalt be hole. Also yf thou do blede much at the nose, ••ake and stampe Betine with salte and stoppe thy nose ther wyth and it wyll staunche. And if thou haue sore tethe, wyth Uyneger or wyth Aysel let it sethe well ••yl it be more than halfe wasted, than as hote as y^u mayst suffer it suppe therof, and holde it in thy mouth tyl it be cold, than spyte, it out and do thus ofte and thou shalt be hole. Also for the coughe take the ioyce or pouder of Betyne and medyl it with hony, & make therof a lectuary, and vse it. ix. dayes and thou shalte be hole. And if a man maye not holde hys meat within him take the same me decyne and gyue him .iii. sponeful

therof with a sponefull of water. Also yf a mannes yarde be swolen or that it be sore, take Beteyne and stampe it with white wyne tempe∣red and it shalbe hole. Also if a mā be Podagat, take Betayne &, sethe it well in water and gyue to hym to drynke and wasshe hys fete ther with and lay the herbe aboute hys fete on a clothe, and it wyl amend hym much. Also take and eate Be¦tayne or pouder therof. & you shal nat be dronken that daye, all these medicines haue ben proued of this herbe. It is hote and drye.

Balsaminta.

Thys herbe Balsaminta cal∣led horse mynte or water wyne or brokemynte, and also thys herbe doth growe in waterye places, the vertue of this herbe is to cōforte a mānes stomake and maketh a mā wel to defie hys meat. Also y^• ••oyce and clarifyed honye, & Reed wyne

boyled togyther, & it shal do away the cold fro a mānes stomake and wycked wyndes within hym, also the ioyce or els the powder of the herbe dronken wyth Redde wyne hote, maketh women that be wyth chylde soone and esely to be deliue¦red of theyr childrē, Thys herbe is hote and drye.

Bl••ta.

This herbe Bleta is called Be¦••es, a••d there be .ii. speces therof as Diascorides sayeth, the one is whyte and the other blacke, y^e ver∣tue of this herbe is thys yf y^e ioyce therof be put in the nosestrylles of a man it clenseth a mannes heade. Also it swageth the akynge of the eyes of euery person, it clenseth the heade from nyttes & frō other ver∣myne. Also it repayreth and amen¦deth a mannes heare of hys heade also this herbe destroieth botches & ••ils, also Diascorides sayeth, yf a

man vse ouer muche of thys herb y^• it norysheth wycked humoures in a man for it is hote.

Borago.

Borago is a comon herbe, the ver••ue of it is thus. It wyll clense the reed colour of a man. Also this herbe is good to destroye the Car∣dyacle, and the postumes that be gathered of the blacke colour. Also the water dronke wyth wyne ma∣keth a man glad and merye, thys herbe is hote and moyste.

Bugla.

Thys herbe Bugla is called Brounwort this herbe hath leues lyke a browne colour with a blew flower, and somwhat boistous, the v••rtue of this herbe is thus. It wyll heale woundes in a mannes head, and if thys herbe be dronken it heleth & streng••hn••th the bones that be broken in y^e mannes heade thys herbe breketh and destroyeth

the rew••ne and the akynge of the hed, this herbe groweth in woodes muche and it is hote and drye.

Burneta.

This herbe Burneta is called burnet, the herbe hath blewe flow∣ers as hathe Hayhoue, and smale ragged leues lyke Tan••ye leues, y^• vertu of this herbe is thus. It wil destroye the greate humours and laxatyue within a man. Also it ope¦neth the stoppynge within a man∣nes lyuer, & maketh a man to pysse wel. Also it maketh one to auoyde the yelowe euyl. Also a porcion of this herbe medled wyth honye and whyte wyne helpeth & vnbyndeth sore stytches of the rybbes & in the tetes, there be ii. speces therof the one groweth on hylles and y^e other in medowes.

Bursa pastoris.

This herbe Bursa pastoris is called sheperdes pu••s, thys herbe

hath a smal stalke and ful of braū¦ches and ragged leues & a whyte flower, the coddes therof be lyke a purse, the vertue of thys herbe is thus, drynke it wyth reed wyne, or with mylke and it wyll staunche y^e blody menson, it is hote and drye.

Borago siluestris.

This herbe Borago siluestrys is lyke to comen borage, but the le∣ues be somwhat smaller and it gro¦weth in feldes and in wayes.

Billire.

This is called byller, The ver∣tue therof is good to rype botches and it is hote and drye.