A boke of the propreties of herbes called an herball wherunto is added the time [the] herbes, floures and sedes shold be gathered to be kept the whole yere, wyth the vertue of [the] herbes when they are stilled. Also a generall rule of all maner of herbes drawen out of an auncyent booke of phisyck by W.C.

Hic incipit littera .I. (Book I)

Et primo de Iusqbiamus.

IUquiamus is called Henbane, his vertu is good for y^e gout, & na¦m••lye those y^t come of melācoli. Also the sede therof and the sede of Humlocke medled to gyther & a candell made therof, or brent vpon a tyle stoone, and let the smoke go vp īto a man∣nes mouth in especial amonge the teth, and it wyll slee wormes. Also the rotes be good for the toth ache, Also the ioyce therof is good for al woundes. Also it swagethe the coughe and the hote postume, and the hote Podager. Also the sede of

thys herbe shulde be gathered in y^e moneth of August. Thys herbe is colde and drye.

Isopus.

Thys herbe is called Isope, his vertue is if a manne take the ioyce therof, and put it in hys mouth, it will heale all maner of euils in the mouth. Also it sleeth wormes in a mannes wombe & maketh it nessh Also if it be drōken grene or ī pou∣der it maketh a man wel coloured it is hote and drye.

Ireos.

This herbe is called Saue, it hath leues much lyke vnto the flo¦werdelyce, and it hath a whyte flo∣wer, it growethe in water, the ver∣tue of it is good to heale the aking of synowes. Also if it be dronken wyth wyne or ale, it wyll destroye wicked humours in a mānes brest and the coughe. Also it destroyeth

the crampe, it healeth the bytynge of venemous beastes. Also if a wo¦man haue a dead childe within her it wyll delyuer her wythout peryl, it is hote and drye.

☞Iris.

Thys herbe is called Flower-delyce, thys is lyke to an herb that is called Saue, almost in al fetu∣res, but the flower is more ynde blewe, thys herbe groweth in wa∣ter and gardyns. It is of the same vertue that Saue is of.

Iarus.

Thys herbe is named Cocko∣pyntell thys herbe hath leues lyke Mercury, & a flower lyke to Dra∣gaunte, and it is bytter and pryc∣kynge vpon the tonge, hys vertue is yf a mā haue any swellyng vpō the tonge or any swellynge aboute hys eres, take the herbe and sethe it wyth Tuberosetatibus in wine and oyle and wyth comyn & make

a playster therof and laye it to hys ••ares & it will make him hole. Also take the knobbes of the rote, and drye them and clense thē, and they haue vertue to make a man laxati¦ue yf it be constypulatyue. Also yf thou wyll make thy face whyte & clere take the powder of the rotes and laye it in rose water, and set it agaynste the sonne, tyll it be consu¦med, do so twise or thrise, than rub thy face wyth the powder or what other place thou wylte, to frete a∣waye the super••luite of the flesshe Thys herbe is hote and drye.

Iasia nigra.

Thys is called Madefelon or bulwede or knapwede.

Iasia alba.

Thys is called Golegras or wyld ••ansy, it is good for clensing of a mans lymmes.

Ipia maior.

Thys is named Pympernel, it

hath leues like to Cheken meate i•• is good to heale woundes and to destroye venym and to hele a man of the postume & to heale sore eyes

Ipia minor.

This herb is called Chekē meat.

¶ Ia••metus rusticus.

¶ Thys herbe is called Blewche tyme or andode or Ka••bowe.