The principal nauigations, voyages, traffiques and discoueries of the English nation. [vols. 1-3] made by sea or ouer-land, to the remote and farthest distant quarters of the earth, at any time within the compasse of these 1600. yeres: deuided into three seuerall volumes, according to the positions of the regions, whereunto they were directed. The first volume containeth the worthy discoueries, &c. of the English ... The second volume comprehendeth the principall nauigations ... to the south and south-east parts of the world ... By Richard Hakluyt preacher, and sometime student of Christ-Church in Oxford.

Exemplar Epistolae seu literarum Missiuarum, quas illustrissi∣mus Princeps Eduardus eius nominis Sextus, Angliae, Franciae, & Hi∣berniae Rex, misit ad Principes Septentrionalem, ac Orientalem mundi plagam inhabi∣tantes iuxta mare glaciale, nec non Indiam Orientalem; Anno Domini 1553 Regni sui anno septimo, & vltimo.

EDuardus sextus, Angliae, Franciae, & Hiberniae Rex, &c. Omnibus Regibus & principibus ac dominis, & cunctis Iudicibus terrae, & Ducibus eius, qui∣buscunque est excellens aliqua dignitas in ea, cunctis in locis quae sunt sub vniuerso coelo: Pax, tranquillitas, & honor vobis, terris, & regionibus ve∣stris quae imperio vestro subiacent, cui{que} vestrum quemadmodum conue∣nit ei. Proptereà quòd indidit Deus Opt. Max. hominibus prae cunctis alij•• viuentibus, cor & desiderium tale, vt appetat quisque cum aliis societatem inire, amare, & vicissim amari, beneficijs afficere, & mutua accipere beneficia studeat, ideò cui∣que pro facultate sua hoc desiderium in omnibus quidem hominibus beneficijs fouere & con∣setuare conuenit, in illis autem maximè, qui hoc desiderio adducti, à remotis etiam regionibus ad eos veniunt. Quo enim longius iter eius rei gratia ingressi sunt, eò ardentius in eis hoc desi∣derium fuisse declararunt. Insuper etiam ad hoc, nos patrum maiorum{que} nostrorum exempla inuitant, qui semper humanissimè susceperunt & benignissimè tractauerunt illos, qui tum à lo∣cis propinquis, t••••••••à remotis, cosamicè adibant, eorum se protectioni commendantes. Quod si omnibus id praestare aequum est, certè mercatoribus imprimis praestari debet, qui per vniuer∣sum orbem discurrunt, mare circumlustrantes & aridam, vt res bonas & vtiles, que Dei benefi∣cio in regione eorum inueniuntur, ad remotissimas regiones & regna adferant, atque inde vi∣cissim referant, quòd suae regioni vtile ibi repeterint: vt & populi ad quos eunt, non destituan∣tur commodis quae non profert illis terra eorum, & ipsi sint participes rerum quibus illi abun∣dant. Nam Deus coeli & terrae, humano generi maximè consulens, noluit vt omnia in quauis regione inueni••entur, quò regio ope alterius regionis indigeret, & gens ab alia gente commo∣dum aliquod expectaret, ac ita stabiliretur amicitia inter omnes, singuli{que} omnibus benefa∣cere quaererent. Hoc ita que ineundae ac stabiliendae amicitiae desiderio moti viri quidam regni nostri, iter in remotas maritimas regiones instituerunt, vt inter nostros & illos populos, viam mercibus inferendis & efferendis aperirent, nos{que} rogauerunt vt id illis concederemus, Qui petitioni illorum annuentes, concessimus viro honorabili & forti, Hugoni Wilib••o, & alijs qui cum eo sunt seruis nostris fidis & charis, vt pro sua voluntate, in regiones eis priùs incogni∣tas eant, quaesituri ea quibus nos caremus, & adducant illis ex nostris terris id quo illi carent. Atque ita illis & nobis commodum inde accedat, sit{que} amicitia perpetua, & foedus indissolu∣bile inter illos & nos, dum permittent illi nos accipere de rebus, quibus superabundant in reg∣nis

suis, & nos concedemus illis ex regnis nostris res, quibus destituuntur. Rogamus itaque vos Reges & Principes, & omnes quibus aliqua est potestas in terra, vt viris istis nostris, transitum permittatis per regiones vestras. Non en••m tangent quicquam ••x rebus vestris inuitis vobis. Cogitate quòd homines & ipsi sunt. Et si qua re caruerint, oramus pro vestra beneficentia, eam vos illis tribuatis, accipientes vicissim ab eis quod poterunt rependere vobis. Ita vos gerite er∣ga cos, quemadmodum cuperetis vt nos, & subditi nostri, nos gereremus erga seruos vestros, si quando transierint per regiones nostras. Atque promittimus vobis per Deum omnium quae coelo, terra & mari continentur, per{que} vitam nostram, & tranquillitatem regnorum nostrorum, nos pari benignitate seruos vestros accepturos, si ad regna nostra aliquando venerint. Atque à nobis & subditis nostris, ac si nati fuissent in regnis nostris ita benignè tractabuntur, vt repen∣damus vobis benignitatem, quam nostris exhibueritis. Postquam vos Reges, Principes, &c. ro∣gauimus, vt humanitate & beneficentia omni prosequamini seruos nostros nobis charos, ora∣mus omnipotentem Deum nostrum, vt vobis diuturnam vitam largiatur, & pacem quae nullam habeat finem. Scriptum Londini, quae ciuitas est primaria regni nostri, Anno 5515. à creato mundo, mense Iiar, 14. die mensis, anno septimo regni nostri.