Page 1
HVSBANDRY.
¶ Here begynneth the boke of husban∣dry, and fyrste where by hus∣bande men do lyue.
THe mooste generall lyuynge that husbandes can haue, is by plowynge and sowyng of theyr cornes, and rerynge or bredynge of theyr cattel, and not the one withoute the o∣ther. Than is the ploughe the moste necessa∣ryest instrumente that an husbande can occu∣py, wherfore it is conuenyent to be knowen, howe a plough shulde be made.
¶ Dyuers maners of plowes.
THere be plowes of dyuers makynges in dyuers countreys, and in lyke wyse there be plowes of yren of dyuers fa∣cyons. And that is bycause there be many maner of groundes and soyles. Some whyte cley, some redde cley, some grauell or chyl∣turne, some sande, some meane erthe, some medled with marle, and in many places heeth grounde, and one ploughe wyll not serue in all places. wherfore it is necessarye, to haue dyuers maners of plowes. In Sommer∣setshyre,