THE .CLXV. CHAPITER.
CHarlys ye Ballyd thus beyng authorysed for emperour / ex∣ersyd hym for a tyme for the nedys of the chyrche of Rome / & after toke hys leue of the pope & retorned vnto Papye a cytye of Italy. where he cal¦lynge a generall counceyle of the lor¦des of the empire & other / he by theyr aduyses prouyded and ordered dy∣uerse thynges for the weale of ye sayd empyre. And ouer that by theyr agre¦mentes he ordeyned for hys lyeu te∣naunt or debyte of the sayde empyre in hys absence, a noble man brother to hys wyfe recent named Besonne or Beson / and assygned to hym such people as was thought necessarye and conuenyent.
whan Charlys had sped hys ne∣dys in Papye, he hyed hym into Fraunce. But or he came wythin the terrytory therof / word was brought to hym that hys brother Lewys was retorned into hys owne countreye, wythout greate domage done to the realme of Fraunce.
In processe the emperoure came to Parys / where he was receyued of the cytesens wyth moste tryumphe & ioye / and kepte hys Eester tyde at saynte Denys.
It was not longe after that Char∣lys was thus returnyd into Fraūce / but that he receyued messengers frō hys brother kynge of Germany, the which in his name claymed his part of the empyre as hys ryghte and en∣herytaunce. whiche answere for that tyme was deferryd with pleasaunte wordes / so that at the nexte worde yt he hadde from his sayd brother, was that he was dede and buryed in the chyrche of saynte Nazer in Franke∣borught. wherof whā Charlys was ascerteyned, anone he yode vnto Foū¦tenays / and sent hys messengers to the lordes of the countrey, commaū∣dynge them that they shulde meete hym at the cytye of Mettes.
Thys foresayd Lewys lefte after hym two sonnes named Lewys and