Page [unnumbered]
THE .CXXXII. CHAPITER.
DAgobertus yt be∣fore exercised hym in all honour and vertue, beganne now to exercise in∣iustyce and tyran∣nye / in pyllynge hys commons by exaccyons and try¦butes, in suche wyse that those that dwellyd in the outwarde partyes of hys realme, and nere vnto the Tur∣kys and other straunge landes and nacions, were fayne to be vnder the rule of theym then of theyr owne na∣turall prynce. But howe so euer he bare hym agayne hys subiectes, in pyllynge and takyng from thē what he myght yet he euer hadde such a fa¦uour to saynt Denys, that he gaue to hym what he myghte purchace, were yt wyth ryght or otherwyse. Conty∣nuynge whyche season / he went in∣to the countrey of Poytiers and rob¦byd and spoyled there the chyrche of saynte Hyllary, of many great iewel¦lys / and after toke wyth hym the bo¦dye of that blessyd man, and causyd yt to be hadde into the monasterye of saynt Denys, & there shrynyd hym. And that done / he destroyed the coū∣trey of Poytiers wyth iron and fyre / and the wallys of the cytye he made playne wyth the grounde. And for yt more cruelty or terrour to the people to be shewyd / he eryd the stretys of the sayde cytye, and sewe theym wythsalte for a sygne and token that he wolde haue that cytye subuer∣tyd for euer. The whyche ruyne to thys daye appereth / for there where the olde cytye stode, is now called ye olde Poytiers / and where that other standyth nowe, is called the newe cy¦tye of Poytiers. The cause of thys destruccion of the citye & countre as sayeth mayster Roberte Gagwyne / was for, that that ye erle of Poytiers rebellyd agayne the kynge.
Thus this man that whylome was a lambe / was now turned to a tygre. And ouer hys cruelnesse he was gy∣uen to all sensuall luste of hys body / in so myche that where so he rode he hadde folowynge hym a company of strumpettes, besyde suche as he kept in dyuerse places of his realme, ap∣pareylyd and fed lyke vnto quenes.
For thys rule & other vyces vsyd by the kynge / Pepyn then mayster of the paleys was put in great wyte and blame of dyuerse lordes of the lande / thynkynge that by hys coun∣sayle and sufferaunce, the kyng was so lad and guyded. This was ye fyrst Pepyn. The seconde was mayster of the placys in that tyme of the se∣conde reygne of the fyrste Theo∣doricus / and was surnamed Uetul{us} and Breuis, whyche is to meane old and lytle. And ye .iii. Pepyn was son of Carolus Marcellus. The fyrste Pepyn was graundefader to the se∣conde by the moders syde / and the se¦conde was graunsyr to the .iii. by ye mannes syde. whyche thyrde Pepyn was by hole assent of Frenchmen or∣deyned kyng of Fraūce as after shall appere / & was father vnto the kynge named Charlis the great and empe∣rour of Rome. All whyche Pepyns descendyd of the blood of Austracye / and hadde great possessyons wythin that prouynce. when the forenamed Pepyn vnderstode the grudge and murmour of the lordes, whyche they bare agayne hym for the kynges de∣meanour / he by theyr aduyces toke vnto hym a nother great lorde na∣med Martyn, to be vnto hym assy∣stent / and ouer that he caused ye bles∣syd man Amandus to accompany ye kynge. By whose coūsayle the kyng somdeale refrayned hym from vyce / but not all as the good byshop hym