Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

THE .CV. CHAPITER.

ABout the .v. yere of this Arthur, af¦ter the agrement of moste wryters beganne the lord shyppe of westsa¦xōs, vnder y^e Sa¦xon called Cerdicus & Kenricus hys sonne. For Denys and other wyt∣nesse, that this lordshyppe or kyng∣dome shulde haue his begynnynge the .lxxi. yere. after the fyrste com∣mynge of Hengiste / or the yere of oure lorde fyue hundred .xxii. which agreeth wyth the .v. yere of Arthure aforesayde.

Thys lordshyppe conteyned the weste countre of Englande / as wylt

wyltshyre, Somersetshyre, Berk{is}, Dors. and other / as Deuonshyre, and Cornewayll / and hadde in the Eest syde Southampton / in y^e north Thamys the famouse ryuer / in the south and weste the see Occean.

This foresayde Cerdicus, whyche of some authours is named Childri∣cus / lāded fyrst at Cerdyshore which nowe is called yermouth, an hauen towne in the countre of Norff. And by helpe of other Saxons then inha¦byted in that countre then called eest Anglys: the sayd Cerdicus at lēgth obteyned the foresayde countre and named yt westsaxon or westsaxonia / and reygned therin as lorde or kyng a certayne of yeres, and Kenric{us} his sonne after hym.

The fyrste chrysten kynge of this prouynce was named Kyngilsus / and cōuertyd by meanes of that bles¦sed man Berinus byshoppe of Dor∣chester. To whom Quichelinus bro¦ther of the foresayd Kyngilsus, gaue the sayd cytye to make there hys see, after he also had receyued baptyme of the sayde Berinus. And as Guy∣do wytnessyth the sayde Quicheli∣nus gaue after to the byshoppe of wynchester .vii. myles compasse of lande, to buylde there a byshoppes see / the whyche was accomplyshed and finyshed by Kenwalcus his son. Thys kyngdome enduryd longeste of all the other / whyche were .vii. in nomber, or .vi. besyde thys. Some wryters accompte the terme of the duraunce of thys kyngdome, from Cerdicus to Egbert / and some to the laste yere of Aluredus. But Guydo accomptyth the enduraunce of thys kyngdome, from the fyrste yere of Cerdicus vnto the laste yere of Ed∣warde the cōfessour. By reason wher¦of yt shuld endure fyue hundred and & .liiii. yeres. But moste accordyng∣ly yt shulde be rekened from the fyrst yere of Cerdicus to the laste yere of Aluredus. For he made one monar∣chye of all .vii. kyngdomes / in which tyme dyd flowe or passe thre hūdred lxxviii. yeres.