Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno dn̄i. M.CCCC.xxxi.		Anno dn̄i. M.CCCC.xxxii.
	Iohn̄ Adyrlee.
Iohn̄ welly Grocer.		Anno .x.
	Stphyn Browne.

* 1.1IN thys .x. yere and .vii. day of Decēber / kynge Henry the .vi. was crowned in Parys of the cardy¦nall of wynchester. At the whych co∣ronacyon was present the lorde Re∣gent, the duke of Burgoyne, and dy∣uers other nobles of Fraūce / whose names Gaguinus putteth not in his boke, for reproche of the Frenchmen. And after the solempnyte of this fest was ended, wherof the cyrcūstaunce to shewe in order wolde aske a longe leysour / the kynge departed frome Parys, and so came to Roan, where he helde his Crystmas / & that done he sped hym to Caleys.

And whan he had soiourned there a season / he toke shyppynge and re∣tourned into Englande, and landed at Douer the .ix. daye of February. Than he was mette vppon Baram Downe or Baram Howth, that ys betwene Douer and Cauntorbury, wyth a greate company of gentyls & comoners of Kent all cladde wyth rede hodes. The whyche accompa∣nyed him tyll he came to Blak Heth / where he was mette with the mayre and the cytesyns of London vpon a thursdaye beynge the .xxi. day of Fe∣bruary / the cytesyns beynge cladde in whyte, wyth dyuers werkes or co∣nysaunces browderyd vppon theyr sleues after the facultye of theyr my∣steryes or craftes. And y^e mayre and hys brethern were all clothed in scar¦let. And after due obeysaunce and sa¦lutynge of the kynge / they rode on before hym towarde the cytye. whan the kynge was comen to the brydge / there was deuysed a myghty Gyaūt standynge wyth a swerde drawyn, hauyng thys speche wryten by hym.

All tho that ben enemyes to the kyng / I shall them clothe with confusion / Make hym myghty by vertuous lyuyng, His mortall soon to oppresse & bere downe. And hym to encrease as Christes champion, All mischeues from hym to abridge, With grace of god at the entry of this brydge.

ANd whan the kynge was pas¦sed the fyrste gate, and was comen to y^e drawe brydge, there was ordeyned a goodly towre hāged and apparayled with sylke and clothes of aras in moste ryche wyse. Out of whiche sodaynly appered .iii. ladyes rychely cladde in golde & sylke, with coronettes vpon theyr heddes. wher∣of y^e fyrst was named dame Nature, the seconde dame Grace, & the thyrde dame Fortune / the whiche vnto the kynge had this speche.

We ladies thre all by one consent, Thre goostly gyftes heuynly & dyuyne, To the sir kynge, as now we do present. And to thyne hyghnes here we do this tyme, Vtterly shewe & them determyne. As I Grace, fyrst at thy comynge, Endowe the with scyence and connynge.

And I Nature, with strengthe and fayrnesse, For to be loued and drad of euery wyght. And I Fortune, prosperyte and rychesse, The to defende and to gyue the myght, Longe to enioye and to holde thy trewe ryght, In vertuous lyfe with honour to procede, That thy two ceptours thou may well possede.

There was also in the sayd towre xiiii. vyrgyns all clothed in whyte. wherof .vii. stode vpon y^e ryght hāde of y^e sayd .iii. ladyes, & .vii. vpon y^e left hande. The .vii vpon y^e ryght hande, had bawderykes of saphyr colour or blewe. And y^e other .vii. had theyr gar¦mētes powdred with sterres of gold. Thā the fyrst .vii. presented y^e kynge with the .vii. gyftes of y^e holy ghost / as sapyence, intellygence, good coun¦sayll, strengthe, cunnynge, pyte, and drede of god. And the other .vii, gaue vnto hym the .vii. gyftes of grace in maner as foloweth.

God the endowe with crowne of glory, And with the ceptre of clennesse and pytye, And with a swerde of myghte and victorye, And with a mantell of prudence clad thou be, A shylde of fayth for to defende the, An helme of helthe wrought to thyne encreace, Gyrte with a gyrdyll of loue and parfyte peace.

And after they had thus saluted the kynge / anone they beganne thys roundell wyth an heuenly melodye and songe, as foloweth.

Souerayne lorde, welcome to your cytye / Welcome our ioye, and our hartes pleasaunce / Welcome our gladnesse, welcome our suffysaunce, Welcome▪ welcome, ryghte welcome ••ut ye be / Syngynge before thy royall mageste, We saye with harte withouten varyaunce Souerayne lorde, now welcome out of Fraunce.

The mayre and cytesyns with all the comynaltye Reioyse your comynge newly out of Fraunce / Wherby this cytie and they rescuyd be, Of all theyr sorow and former greuaunce, Wherfore they saye and synge without greuance, Welcome welcome, welcome our hartes ioye, Welcome you be vnto your owne newe Troye.

Than the kyng rode forth a softe pase tyll he came at the entre of Corn hylle. where vpon y^e hylle was ordey∣ned a tabernacle of curyous worke / in the which stode dame Sapyence, and about her the .vii. artes or scyen∣ces lyberall / as fyrst gramer, logike, rhetoryke, musyke, arithmetyke, ge∣ometry, and astronomye / euerych of them exercysynge theyr connynge & facultye, and the lady her selfe hadde thys speche to the kynge.

Lo I chyefe pryncesse, dame Sapience, Shewe vnto you this sentence of scripture / Kynges that ben most of excellence, By me they reygne, and moste ioye endure. For through my helpe and my besy cure, To encrease theyr glory and theyr hygh renowne / They shall of wysdome haue full possession.

Than the kynge passed on tyll he came to the conduyte in Cornehylle. where was set a pageāt made cercle wyse / & in the summet or toppe ther∣of was set a chyld of wonderfull be∣aute, apparayled lyke a kyng. Upō whose ryght hand satte lady Mercy, & vpon the lefte hande lady Trouth / and ouer them stode dame Clennese embrasyng the kynges trone. Then before the kynge stode two iudges & viii. sergeauntes of the coyfe. And dame Clennesse had thys speche to y^e vi. Henry the kynge.

Lo by the sentence of prudent Salomon, Mercy and ryght preseruyn euery kynge. And I Clennesse obserued by reason, Kepe his trone from myschyefe and fassynge, And maketh it stronge with longe abydynge. So I conclude that we ladyes thre, A kynge preserue in longe prosperite.

And Dauyd sayd, the psalme beryth wytnesse / Lorde god thy dome thou to the kynge / And gyue to hym thy trouth and ryghtwysnesse, The kynges sonne here on erth lyuynge. And thus declared he by his wrytynge That kynges and prynces shuld about thē drawe, Folke that ben trewe and well lerned in lawe.

After hys speche thus declared / y^e kynge rode forth a quycker pase tyll he came vnto the conduyt in Chepe. where were ordeyned dyuers wellys as y^e welle of mercy, y^e welle of grace, and the welle of pyte. And at euery welle a lady standynge, that myny∣stred the water of euery welle to such as wold aske it / and that water was turned into good wyne.

About these welles were sette dy∣uers trees wyth flouryshynge leues and fruytes, as orenges, almandes pomegarnardes, olyues, lymones, dates, pepys, quynces, blaūderelles, peches, & other more comon fruytes, as costerdes, wardēs pomewardōs,

rycardōs, damysyns, and plūmes, wyth other fruytes longe to reherse / y^e which were so cūnyngly wrought, that to many they appered naturall trees growynge.

In the bordour of thys delicious place whych was named Paradyse, stode two forgrowen faders, resem∣blynge Enocke and Hely / the whych hadde thys sayenge to the kynge.

Ennok fyrste with a benygne chere, Prayed god to vpholde his prosperite / And that none enemyes haue of the power / Nor that no chylde of false iniquyte, Haue power to pertu••be thy feiycyte. This olde Ennok to processe can well tell, Prayed for the kynge as he rode by the welle.

After Helias with his sokkys hore, Sayde well deuoutely sokynge on the kynge / God conserue the and kepe euermore, And make the blyssed here on erth lyuynge And preserue the in all maner thynge, And specyall amonge kynges all, In enemyes handes that thou neuer fall.

And that speche fynyshed / y^e kyng rode forthe a lytell forther. And there was ordeyned a tower garnysshed wyth the armys of Englande and of Fraunce. Thys tower was wonder∣full to beholde / for there was shewed in order the tytle whyche the kynge hadde vnto the crowne of Fraunce. And vpryght by thys tower stode .ii. grene trees artifycyally wyth grene leuys garnysshed and wrought / that one verynge the genelogy of saynte Edward, and that other of saynt Le∣wys / and garnyshed with leopardes and flourdelyces. And ouer these .ii. foresayde trees was ordeyned the thyrde / whyche was made the forthe spryng of Iesse / wherin was shewed the genelogy of our blessed lady sette out in moste curyous wyse. And vpō the front of thys tower were wryten these verses folowynge.

By these .ij. trees whiche here gr••we vpright, From saynt Edwarde & also sent I owys / The rote I take, palpable to eche syght, Conueyed by syne from kynges of great pryce, Whiche some bare Leopardes, & som flourdelice / Armys excellent of honour haue no lacke, Which the .vi. Hēry may now bere on his backe,

As in degre of iust successiowne, As olde cronicles truely determine / Vnto this kyng is now discended downe, From eyther partye right as any syne. Vpon whose hede now fresshesy doth shyne, Two ryche crownes moche soueraygn & pleasaūce To bringe in peas betwene Englande & Fraūce.

Than from thys the kyng passed on tyll he came at the cōduyt at Pau¦lys gate / where was pyghte a cele∣styall trone / and therein was sette a personage of the Trinyte, wyth a multytude of aungels playenge and syngynge vpon all instrumentes of musyk. And vpon the front of y^e sayd trone, was wrytten these verses or balades folowynge / the whych were spoken by the father vnto the kyng.

To you my aungels this precept ye assure, This prince that is so yonge & tender of age, That ye entende & do your besy cure, To kepe & saue hym from all maner damage, In hys lyfe here duryng all his age, That his renowne may sprede & shyne ferre, And of his two realmes to cease the mortal warre.

And I will ferther as I shewe to hym here, Fulfyll hym with ioye & worldly habundaunce / And with lengthe of many a holsome yere, I shall comfort & helpe with all pleasaunce / And of his lieges to haue faythfull obeysaunce / And also multiply & encrease his lyne, And cause his nobles thorugh the worlde shyne.

ANd thys done he entred the churcheyarde / where he was mette wyth processyon of the deane & the chanōs of Paulys. wyth whome

also in pontificalibus came the arch∣bysshop of Cauntorbury and chaūce¦ler of Englande, with the bysshop of Lyncolne, of Bathe, of Salysbury, of Norwyche, of Ely, & of Rochestre / the whiche so conueyed hym into the churche, and there made his oblacy∣ons. And that done he toke agayne his stede at the west dore of Paules, and so rode forth vnto westmynker / where agayne he was of the abbot & couent receyued with procession and by them cōueyed vnto saynt Edwar∣des shryne, and there taryed a whyle Te deum was songe in the Quyer. And that finysshed / he was of his lor¦des conueyed vnto his palays. And than the mayre with his cytezyns re∣turned ioyusly to London.

Than vpon the saterday folow∣ynge beynge the .xxiii. day of Februa¦rii / the mayre and aldermen yode vn¦to the kyng, and presented hym with an hamper of golde, & therin a thou∣sande poūde of fayre nobles / for the whiche the kynge yelded vnto them louynge thankes.

This yere also by reason of y^e sow∣dyours of Calays, a restraynte was made there of the wolles / for they were not cōtēt of theyr wages. wher∣fore the regent of Fraūce beynge thā Capytayne of Calays, came downe thyder in the easter weke. At whiche tyme beynge the wednesdaye in the sayde weke, many sowdyoures were arested and put in warde. And whan he had so done, he rode to Tyrewyn / & there by the meanes of the bysshop of Tyrewyn, he maried y^e erle of saint Paules doughter / and shortly after returned to Calays, and caused the sayde sowdyours to be enquyred of / and fynally .iiii. of them were demed to dye. whiche .iiii. y^t is to say Iohan Maddely; Iohan Lundaye, Tho∣mas Palmer, and Thomas Talbot, were beheded at Calays the .xi. day of Iuny. And an hundreth and .x. sow∣dyours were banysshed the towne / ouer syr score banysshed before that tyme. And vpon mydsomer euen fo∣lowynge, the sayd lorde regent with his newe spouse came vnto London / and so taryed in Englande tyll the la∣ter ende of August.

Notes

• * 1.1

  Kyng Hen¦ry the .vi. crowned in Parys.