Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno dn̄i. M.CCCC.xix.		Anno dn̄i. M.iiii.C.xx.
	Robert whytyngham.
Richarde whytyngham Mercer.		Anno .viii.
	Iohan Butler.

THis yere continued styll the for¦mer syege aboute Meleon tyll aboute the mydle of Nouem∣bre. At whiche tyme the fore named capytayne sore famysshed, sought me anes of treaty. By meane wherof it was agreed, that he with all other shulde sauely auoyde by a daye lymy¦ted / excepte all suche persones as be∣fore tyme had ben consentynge vnto the dethe of Iohn̄ lateli duke of Bur¦goyne. For the whiche cryme the fore¦named capytayne named Barbasan was after accused with many other / and sent vnto Parys, and there hol∣den in pryson. And that done kynge Henry layde his syege vnto a towne called Melden. The whiche fynally was also gyuen vp by a lyke apoynt∣ment. wherin were founden certayne persones detected of y^e foresayde mur¦ther / for the whiche after due examy∣nacyon made, they were hanged vp¦on an elmen tree standynge by y^e way ledynge vnto Parys. whan kynge Henry had thus wrouthte moche of his wyll in Fraunce / he toke leue of his father the Frenche kynge / & with the quene his wyfe sayled into Eng∣lande, & landed at Douer vpon Can¦delmas day / leuynge in Fraunce for his deputye his brother the duke of Clarence. Than the kynge sped hym on his iournay towarde London / & came thyder on the .xiiii. daye of Fe∣bruary. And the quene came thyder vpon the .xxi. day of y^e same moneth. But here for lengthe of tyme I wyl passe ouer the great and curyous or∣dynaunce prouyded by the cytezyns for the receyuynge of the kynge and quene, aswell of theyr ordinate me∣tynge wyth theym vpon horsebacke, as the sumptuous and honourable dyuyses prepayred wythin the cytye to the kynges and quenes greate re••ioysynge. And forthe I wyll procede to shewe vnto you some parte of the greate honour, that was vsed and ex¦ercysed vppon the daye of the sayde quenes coronacyon / whyche was af∣ter solempnysed in saynte Peters churche of westmynster, vppon the daye of saynte Mathy the apostle or the foure & twenty day of February. After whyche solempnysacyō in that chyrche endyd / she was conueyed in to the greate halle of westmynster, and there set to dyner. Upon whose ryghte hand satte at the ende of the same table the archebysshop of Caū¦torbury, and Henry surnamed the ryche cardynall of wynchester. And vppon the lefte hande of the quene satte the kynge of Scottes in hys astate / the whyche was seruyd wyth coueryd messe lyke vnto the forena∣med bysshoppes, but after them. And vppon the same hande and syde nere to the bordes ende, satte the duchesse of yorke, and the countesse of Hun∣tyngdon. The erle of y^e Marche hol∣dynge a ceptre in hys hande, knelyd vppon the ryght syde. The erle mar¦shall in lyke maner knyled vppon the left hande of the quene. The coū∣tesse of Kente satte vnder the table at the ryght foote / and the countesse

Marshall at the left foote. The duke of Glouceter syr Humfrey ••as that daye ouerloker / and stode before the quene bare heded. Syr Rychard Ne¦uyll was that day caruer to y^e quene / y^e erles brother of Suffolk cupberer / syr Iohn̄ Steward Sewar / the lord Clyfford panterer in stede of the erle of warwyk / the lord wyllughby bote¦ler in stede of the erle of Arūdell. The lord Gray Ruthyn or Ryffyn naperer The lord of Awdeley amner in stede of the erle of Cambrydge. The erle of worceter was that daye erle Mar∣shall in absence of the erle Marshall, the whyche rode about the hall vpon a great courser, wyth a multytude of typped staues about hym to kepe the roume in the hall. Of the which hall, the barons of the .v. portes begā the table vpon the ryght hande towarde saynt Stephēs chapell / & beneth thē at the table sat the bowchyers of the chauncery. And vpon the lefte hande next vnto the cupborde, sat the mayre and hys bretherne aldermē of Lōdō. The bysshops began the table fore∣agayne the barons of the .v. portes / & the ladies the table agayn the mayre. Of whyche .ii. tables, for the bysshop¦pes began y^e bysshop of London and the bysshop of Durham / and for the ladyes, the countesse of Stafforde / & the coūtesse of Marche. And ye shall vnderstande, that thys feast was all of fysshe. And for the orderyng of the seruice therof were diuers lordes appoynted for hede offycers / as ste∣warde, controller, surueyour, and o∣ther honourable offyces. For the whyche were appoynted the erles of Northumberlande, of westmerland, the lorde Fitz Hughe, the lorde Fur∣neuall, the lorde Gray of wylton̄, the lorde Ferers of Groby, the lord Po∣nynges, the lorde Haryngton̄, y^e lord Darcy, the lorde Dacre, and the lord Delaware.

The whyche wyth other orderyd the seruyce of the feest as foloweth / & thus for the fyrst course.

• Brawne and mustarde.
• Dedellys in Burneux
• Frument wyth Balien
• Pyke in Erbage
• Lamprey powderyd
• Trought
• Codlyng
• Playes fryed
• Marlyng fryed
• Crabbys
• Leche lumbarde florysshed
• Tartys.

And a sotyltye called a Pellycane syttyng on hys nest with her byrdes / and an image of saynte Katheryne holdyng a boke and dysputyng with the doctours / holdynge a reason in her ryghte hande, saynge Madame le Royne, and y^e Pellycan as an answere Ce estia signe, et du roy, pur tenir ioy, et a tout sa gent, esse mete sa entent.

The seconde course.

• Gely coloured wyth columbyne floures
• whyte potage or creme of almandes
• Breme of the see
• Counger
• Solys
• Cheuen
• Barbyll wyth Roche
• Fresshe Samon
• Halybut
• Gurnarde
• Rochet broyled
• Smelth fryed
• Creuys or lobster

Leche Damask witw the kynges worde or prouerbe flourysshed, Vne sanz plus.

• Lamprey fresshe baken
• Flampeyne flourisshed wyth a scochon̄ royall / and therin .iii. crow¦nes of golde plantyd with floure de∣lyce and floures of camemyll wrou∣ghte of confeccions.

And a sotyltye named a Panter wyth an image of saynte Katheryne wyth a whele in her hande / & a rolle wyth a reason in that other hande, sayeng, La Royne ma fise, in ceste ile, per bon reson, aues renount.

The thyrde course.

• Dates in compost
• Creme motle.
• Carpe deore.
• Turbut.
• Tenche.
• Perche wyth goion.
• Fysshe sturgeon wyth welkes
• Porperies rosted.
• Mennes fryed.
• Creuys de eawe douce.
• Pranys.
• Elys rosted wyth lamprey.
• A leche called the whyte leche
• flourysshed wyth hawthorne
• leuys and redde hawys.

A march payne garnysshed wyth dyuers fygurs of angellys / amonge the whych was set an image of saynt Katheryne holdynge thys reason, I lest escrit, pur voir et eit, per mariage pure cest guerre ne dure. And lastely a sotyltye na∣med a Tigre lokynge in a myrrour / and a man syttynge on horse backe clene armed holdyng in hys armes a Tyger whelpe wyth thys reason, Par force sanz reson ie ay pryse ceste beste. And wyth hys one hande makynge a coūtenaunce of throwynge of myrrours at the great Tygre. The whych held thys reason, Gile the mirrour ma fete distour.

And thus wyth all honour was fynysshed thys solempne coronacyō. After the whyche / the quene soiour∣ned in the palays of westmynster tyll Palme sondaye folowynge. And vp¦pon the morne she toke her iournaye towarde wyndesore where the kyng and she helde theyr Eester. And after that hygh feest passed / y^e kynge made prouysyon for hys warre in Fraūce, durynge the terme of thys mayres yere.