Anno dn̄i. M.CCC.xc. | Anno dn̄i. M.CCC.xci. | |
Iohn̄ Fraunces. | ||
Adam Bamme. | Anno. xiiii. | |
Thomas vyuent. |
IN thys .xiiii. yere of kyng Ry∣chard / syr Iohn̄ of Gaūt duke of Lancastre, wyth a goodly cōpany of men of armes sayled into Spayn, to clayme suche landes as he there shulde haue in the ryght of dame Cō¦staunce hys wyfe / whyche was the doughter of Peter ryghtfull kynge of Spayne, as in the .xl. yere of kyng Edward the thyrde is more playnly declared. whan the sayde duke was vpon that other syde of the see / there came vnto hym the kynge of Por∣tyngale wyth a stronge army, and so entred the terrytory of Spayne. But whether it were of the Englishe men longe or of the Portyngaleys / moche harme was done to the Span¦yardes, in robbynge and pyllyng of the countrey / whyche was cause of grudge betwene the kyng of Portyn¦gale and the duke / and caused many Spanyardes whyche oughte to thē good wyll to wythdrawe and depart from them. In reformacyō of which ille, certayn persones aswel English as Portyngaleys that were founde gyltye of suche robbery, were putte vnto deth / by meane whereof the o∣ther fered so, that where by that mea¦ne the kynge and the duke were be∣fore put to great afterdeale, by reasō of reformacyon of that ille they gat dayly vppon theyr enemyes / so that in processe of tyme folowyng, ye kyng of Spayne was dryuen of necessyte to treate wyth the duke of a peace & concorde. Of the whyche peace as wytnesseth Polycronycon in hys last boke and .vii. chapyter / the condyciō was, that fyrste for a fynall concorde the kynge of Spayne shuld marye ye duke eldest doughter name Cōstaūce and that done he shulde gyue vnto ye duke in recōpensacyon of hys costes, so many wedges of golde as shulde charge or lade .viii. charettes / and ouer that yerely durynge the lyues of the sayde duke and hys wyfe, he shuld at hys propre coste and charge delyuer to the dukes assygneys .x.M. marke of golde wythin ye towne of Bayon.
And after thys peace was stablys¦shed, and suertyes taken for the per∣fourmaunce of the same / the duke de¦parted wyth the kynge of Portyn∣gale. To whome shortelye after he maryed hys second doughter named dame Anne.
In thys yere also for cruel warre whyche the Turkes made agayne the Ianueys or men of Ieane / they requyred ayde of the kynges of Eng∣lande and Fraunce. For whyche cause oute of Englande was sente a noble warryour called erle of Alby wyth two thousande of archers / and