Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anglia. Edwarde the thyrde.

EDwarde the .iii. of that name, & sonn̄ of Edward the seconde, and of Isabell y^e alo¦nely doughter & chylde of Phy∣lip le Beawe or Phylyppe the fayre, father to Char∣les laste kynge of Fraunce / beganne to reygne as kynge of Englande his father yet lyuynge, the syx & twenty daye of Ianuary, in the ende of the yere of grace a thousande thre hun∣dreth and syx and twenty, and the fourth yere of Charles the fyfth last kynge of Fraunce / and was crow∣ned at westmynster vppon the daye of the puryfycacyon of oure Lady nexte ensuynge.

In hys begynnynge came forthe plentye and gracyous happes / for the erthe tooke plentye, the ayre tempoure, the see quyetnesse, and to the chyrche grewe peace.

In thys fyrste yere he confermed the lybertyes and fraunchyses of y^e cytye of London / and ordeyned that the mayre for the tyme beyng shuld sytte in all places of iugement within the lyberty of the same for chiefe iustyce, the kynges persone onely excepte / & that euery alderman that hadde ben mayre shuld be iustyce of peace in all London and Myddelsex / & eueryche alderman that hadde not be mayre shulde be iustyce of peace wythin his owne warde. And also he graunted to the cytezyns the fee ferme of Lon∣don for .iii. hundreth pownde / & that they shulde not be constrayned to go out of the cytye to fyghte or defende the land for any nede. Also that after that daye the fraunchyse of the cytye shulde not be seasyd into the kynges handes / but onely for treason or re∣bellyon done by the hole cytye. And Southwerke was admytted to be vnder the correccyon and rule of the citye / and the mayre of London to be baylyffe of Southwerke / and the mayre to chose & ordeyne such a bay∣lyffe of that borough as hym lyked / whiche ordinaunce endureth to this day. In the moneth of Apryll, for so mych as meanes were made by the frere prechours or the blacke freres, for the delyuery of kynge Edwarde the .ii. out of pryson / therfore he was had out of the castell of Kenelworth, & cōueyed vnto y^e castel of Berkeley. where after about saynt Mathewys tyde the sayde Edward by y^• meanes of syr Roger Mortimer was mysera¦bly slayne. Of this Edward are lyke opinyōs as were of Thomas of Lan¦caster, whyche I referre to goddys iudgement. For certayne it is that for hys former wyld and insolent ly∣uynge he toke greate repentaunce. And so he hadde great cause / for du∣rynge hys reygne there was hedyd and put to deth by iugement, vppon xxviii. barons and knyghtes, ouer y^t noble men that were slayne in Scot¦lande by hys infortunyte.

Kynge Edwarde as yet beynge of tender age, not passing .xv. yeres / he∣ryng of the great pryde and presūp∣cyon of the Scottes, and howe they dayly warred vpon the borders, and entryd the lande in brennynge and spoylyng his people / assembled hys people about Easter, & so sped hym toward Scotland. In whych meane tyme the Scottes were entred the land, & were comen as farre as Stā∣hop in Uiridale / and had lodged thē in the woddes of Stanhop parke in dyuers bushementys. wherof y^• kyng beyng enfourmed, made such prouy∣syon that he beset them roūde about, and trusted well to haue brought thē vnder hys subieccyon. But when the kynge thoughte to be of them moste sure / by treason of some of hys hoste the Scottes were clene escaped and retourned into Scotlande. wherof y^e fame ranne vpon syr Roger Morty∣mer. But how so it was y^• kyng loste that iournay, and retourned into En¦glande with lytle worshyppe. And here ye shall vnderstand that to this day the olde mayre and shyry••••es, y^t is to meane Hamunde Chyckwell, Benet Fulham, and Iohn̄ Canston, stode in offyce tyll y^e day folowyng of Symō & Iude, which was almost y^• full of y^e fyrst yere of y^e sayd Edward the .iii. And then for the residue of the fyrst yere, & for the more party of the second yere, was electe and charged the mayre and shyryffes folowynge.