Here begynneth a shorte and abreue table on the Cronycles ...

¶Anno dm̄ .v.C.xxxiiii.

AGapitus a confessour was pope after Iohn̄ two yere / this Agapitus torned Iustimanus fro the errour fully of the herety¦kes. This man ordeyned that processyōs shol¦de be done the Sondayes and thenne he dyed arte Constantynoble. & Siluerius a martyr was pope after this man thre yere. He was ex¦yled fro crysten fayth / and slayne by the proc∣tour of Theodory. For he wolde not restore y^e bysshop of Athenes an heretyke to his benefy¦te ayē. ¶Virgili{us} was pope after hym .xviii. yere. And he entred euyll to his benefyte / but he gouerned hym well. And he suffred his per∣secucyon pacyently. ¶And he was exyled fro Rome. And at the laste after grete passyōs of Theodory in Constantynople deyed. ¶Synodus quatra constantinopolitana cō¦tra theodorū & o••••s hereticos alios fuic isto tē∣pore. Ista synod{us} dampnauit heresim theodo∣ri •• Qui dixit alium esse deū verū. & aliū cristū. Et qd beata virgo non sit dei genitrix. sed ho∣minis tantū ¶Pelagius was pope after Vi∣gilius

foure yere and .x. monethes: This man ordeyned that heretykes Scismatykes & Ren∣negates / sholde be punysshed by the seculer po¦wer. ¶Iohannes the thyrde was pope after this man .xiii. yere. Of thys man lytell is wry¦ten / but that he restored the chyrcheyerde of y^e appostles Philyp and Iacob. ¶Iustinus the seconde after Iustinian was Emperour .xi. yere. This man dyspysed poore men He rob∣bed y^e Senatours. He was yeuen to all couey¦tousnesse / so that he made chestes of yron / for to kepe his moyneye in. Thenne anone he fel∣le in heresye / & wexed out of his mynde. ¶And thenne was chose Tyberyus a good man for to gouerne the comyn people. ¶Tyberius y^e seconde was Emperour aftest Iustinus .vii. yere. Thys man was a vertuous man. He ya∣ue Innumerable good to poore men In so mo¦che many tymes y^t hys wyf chydde wyth hym and sayd that he cast awaye the goodes of the Empyre as stones. And he answered ayen & sayde. I truste in god that our chestes shall ne¦uer lacke of moneye / and we put tresour in to heuen. ¶And vpon a certayne daye whan he went by his palys at Constantynople / he saw in the mar••yll pament a crosse grauen / And thought ye sholde not be troden vppon & com∣maūded that stone to be left vp. For the crosse ought to be put in the hertes of faythfull men and there he founde Inestymable tresoure of golde. This man subdued Herses / and deyed blyssydly. ¶Benedictus was pope after Io∣hanes foure yere: This man suffred grete per¦secucyon of hungre pestelence and enmyes. Thys man brought many a thousande quar∣ter whete from Egypte / whan Rome was be¦syeged by kynge Albanack / and almoost loste for vytayll. wherfore they wrote on his graue this Epitaphi. ¶Magna tuis monimenta pater benedycte re iquis: virtutum tītulus et decus at{que} dolor ¶Pelagius was Emperour after Benedictus .v. yere. In his tyme Rome was besyged by the Lombardes / and lytell he dyde in his dayes. ¶Mauricius was Empe∣rour after Tybery{us} .xxi. yere. Thys man was a very crysten man and subdued Persas and Armenyas / and in the later ende of hys dayes he dyscorded with saynt Gregory and enten∣ded to haue slayne hym. And then̄e appered a man in Rome clothed a in relygyous habyte / holdynge a naked swerde in hys honde / and cryed aboute the Cyte in this wyse. The Em¦perour shall be destroyed. The whiche the em¦perour herde / and he corrected hym self of hys trespaas and prayed to god to withdrawe hys sentence. To whom our lorde apperyd in hys slepe & sayde. wyll thou that I spare the now or ī tyme to come. And he was a louer of wret¦ches / and sayde / yeue me here my rewarde. Then̄e was he Emperour after many a deye And whan he sholde haue corrected hys knyʒ∣tes for the extorcyon that they dyd / they asked hym why y^t he wolde not paye them theyr wa¦ges. And so they fell at varyaunce / and chose Foka for to be Emperour and slewe him and his thre sones. ¶This tyme saynt Austyn ca¦me in to Englonde and ordeyned two Arche∣bysshops that is to saye of London / & of yorke by the commaundement of saynt Gregory. ¶And remembre that many tymes is made mēcyon of dyuers regyons & coūtrees / that of tyme they haue be torned to y^e fayth For alway the fayth abode not in them for dyuers causes Soo it is of Englonde. Fraunce. Persia. Ie∣wery. And in this thynge Rome was pryuele¦ged / for the fayth of Peter neuer fayled. ¶Fo¦cas was Emperoor after Maurici hys may∣ster / whome he and other slewe. And by cause he began euyl he ended nought. For in his day¦es the Romayns faught strongely ayenst the Persees / and the Romayns were dyscōfyted and loste many a prouynce. And at the last he was ouercome & slayne of Heraclius. For as he dyde vnto other men / so he was done vnto.