¶Anno mundi .iiii.M.v.C.lviii. Et ante xp̄i natiuitatem .vi.xli.
IOsias the sone of Amon ac .viii. yere of his aege began to regne & regned .xxxi. yere / a good chylde of a peruerse fader. in hys yonge aege he saught the grace of god. And in that grace laudably abode vnto his ende. His relygyous lyfe and his werkes ye maye see. (iiii. regum .xxii. et .ii. para. xxxiiii) ¶Azastas the sone of Elchie was bysshop. ¶Tobyas a∣boute this tyme deyed. And he was a very ho¦ly man. And he prophecyed the destruccyon of Ierusalem· ¶Tulius Hostilius was the thyr¦de kynge in Rome. And saint Austyn sayth in his boke deciuitate dei. that from Rome was made vnto August the Emperour / there was too contynuell bataylle / that it was take for a merueylle / and they were one yere without ba¦taylle / excepte ·xlii. in Nume dayes in the whi∣che was contynuell peaas. And that Tulius by cause he hadde reste / he dyd cursedly to hys neyghburs and thenne he was slayne and all hys husholde wyth a stroke of lyghtnynge. ¶Nabugodonosor thys tyme was kynge of Babylon / a manly man and a victoryous. For he was the scourge of our lorde / to punys¦she the syn̄es of many people. This man was kynge of Babylon / and after he conquered ye kyngdom of Assuriorum and made it one mo∣narche. But many wayes scrypture speketh of this man / nowe good and nowe euyll. And for by cause scrypture concludeth that he en∣ded his lyf in the louynge of god / by the pray∣er of Danyell / and in the knowlege of one ve∣ry god / some doctours saye. He is saued / and some saye it is doubte. ¶Ancus Marcius the fourth kyng of Rome regned .xxiii. yere This man for grace and truste that he had to Tar∣quinus Preiscus made hym the gouernour of his chyldren And Ayres and he ylle rewarded