Here begynneth a shorte and abreue table on the Cronycles ...

¶Anno mūdi .v.M.C.xxxiiii. Et ante xp̄i natiuitatē .ix.C.v.

IAcob naturell fader to Ioseph of the ly∣ne of crest is reherted in Luke & Mathe & lytell of hym is had in scrypture. ¶Alexan¦dra wyf to Alexander was bysshop in the Iu∣ry .ix. yere / & shewed moche tyrannye al yf she was made bysshop by her feyned holy relygy¦on. ¶And Hircanū her sone she prouoked to the bysshopryche / & she ordeyned that he shold regne after. This woman in y^e lyne of the bys¦shops is put fro the coūtynge of y^e yeres. Not as she vsed the offyce of a bysshop for it was not leyfull to her. ¶Hircanus sone to Alexan∣dra regned .xxxiii yere. This Hircanus after the decesse of his moder succeded in the kyng∣dom / in y^e whyche he had lytell prosperyte for percyalte of the peple. For anone he was ouer comen / & after warde he was restored thrugh the helpe of the Arabees. And thenne he was made trybutary to the Romayns. And soo 〈◊〉〈◊〉 was in peas a lytell tyme. But not in y^e name of kynge. At the last he dyd wretchedly for he was begyled thrugh the fraude Partho{rum} the whiche Antigon{us} hyred ayenst hym (vide ple∣ne magistrū historie) ¶The heresye of y^e Pha¦rysees aboute this tyme began. And amonge them were thre sectes in the Iury. Pharacey. Saducey. & Essey. All these were deuyded frō the comyn vse of the Iewes / & were enfe••••e with mani errours for thei sayd that thei were holyer than other men. For they lyued streyt∣lyer than other men dyde (Vide plus alias) ¶Virgyll the moost excellent of Potes was magnefyed this tyme / & meruaylous thynges he dyd. And amonge other whan that Neopo∣lis was vexed wyth deedly payne of myghty wormes. Virgyll caste a worme of golde in to a pounde or a water / and it laye a certayne se∣ason

there. And whan it was take vp in to the towne / all the cyte was made full of wormes. And tyll the worme of golde was put in to the water ayen / they hadde In fyte wormes. And whan it was in the water all the wormes wen¦te a waye. ¶Also it is wreten in the cronycles of Rome / that Virgyll by connynge condescē¦ded or thycked the ayre / soo that he walled his gardyne with the ayre. And he made a brydge of the ayre / by the whiche he myght passe euery tyme that he lyst Also he asked Morcellū Neo¦politanū / neuewe vnto the Emperour / yf he wolde haue a byrde taught to kylle all byrdes or a flye taught to dryue all flyes out of the cy∣te. And this Marcellū tolde this to the Empe∣rour. And he desyred to teche a flye to kylle all flyes. For the comyn people were sore anoyed with ••••yes. And many other maruales he dy∣de (vide magistrū Rodulfū Cesterū) ¶Ora∣cius Flaccus / and Salustius Crispus histori∣cus were at this tyme. Quintus Cipio. Gai{us} Lucis this tyme were Consules at Rome. ¶Pompeius. Marcus Crassus & Iulius Ce¦zar this tyme were Dictatours at Rome. For as it is sayd / afore there were many dygnyte¦es at Rome / of the whiche some dured one ye∣re / some two yere. And amonge all the dygny¦tees the Dictatours exceded / for it dured fyue yere. But whan the comyn peple and the lord shypes of Rome encreasynge were made thre Dictatours. And thys tyme was pompeius. Iulius & Marcus Crassus Dictatours. And by cause Pompeius was of grete honour and aeged / he bode at Rome to kepe the comyn peo¦ple of Rome. ¶Marcus Crassus was sende to subdue and fyght with the regyon of Per∣thus. And thrugh treason he was taken and slayne ¶Iulius Cezar was sende to the weste parte of the worlde to subdue them. And he ha¦the wyth hym seuen legyons of people. And whan that he hadde subdued Lomberdye and Fraunce his fyue yere were spended / the whi∣che were assygned to hym and no lenger. The¦re by his owne auctoryte he toke other fyue ye¦re vpon hym / in the whiche he subdued Cassy¦bolon kynge of Brytayne / and the Frenshmē that rebelled agaynst hym ¶This same Iuli¦us after he had conquered the countrees / vn∣to Rome he roode agayne / for to be receued with certayn worshyp as conquerours were before hym but it was denyed hym / and also the entree of the Cytee / by the Instygacyon of a lorde called Pompei. wherfore thys Iulius Cezar was annoyed / and wyth force of my∣ghte entred the Cyte / and robbed the comyn treasoure and ladde it wyth hym / and depar∣ted it amonge the seuen legyons that were his seruauntes. Thenne wente he in to Spayne to fyght agaynste this Pompei. For Pompei hadde the gouernaunce of Cartago. But af∣ter that Iourneye in ytale Pompei and he en¦countred togyder. ¶In the whyche bataylle Pompei fledde vnto the kynge of Egypte / and that same kynge for specyall loue that he hadde vnto this Iulius Cezar smote or Pom∣peus heed and sente it to Iulius Cezar. yet for all the enuyte that was betwixt them two Iu∣lius wepte whan that he sawe thys Pompei∣us heed· Thys Iulius was excedynge in wyt¦te afore other men / and he faught in bataylle .lii. tymes. This man alone exceded Marcus Crassus: the whyche is sayde to haue fough∣ten .xxxix. tymes. Thys man tooke fyrste the Empyre of Rome vpon hym: whan Pompei and other noble men of the Romayns were slayne. ¶And atte the laste the fyfthe yere of hys Empyre: Thys Iulius Cezar the ruler of all thys worlde was slayne in the coūsell hous thrughe treason of hys lordes. ¶Cathon the moost named phylosopher: Seeynge Iulius Cezar haue the victorye: whom he fauoured not: at a towne called Vticam dyde slee hym selfe (iuxta illud Mauult cota mari: quam de∣roget vrbis honorari) But for that after Au∣styn he was not excused of senne.

¶This tyme the Iury was trybutarye to the Romayns for percyalyte of two brethern Ari¦stobolus and Ercanus bothe of them for en∣uye of other caste them to the Romayns that they myghte regne. ¶This tyme thre sonnes appered in heuen to warde the eest parte of the worlde: the whiche by lytell and lytelle were broghte in to one body. A grete sygne it was that Affrica. Asia: and Europa sholde be brou¦ghte ī to one monarche and that y^e lordshyp of Anthony the Senatoure and Lucius Antho∣nii sholde tourne in to one lordshyp. ¶Mar∣cus Cicerio Tullius the moost noble Rethory¦cen was Counsell of Rume this tyme.