¶Of Artogaill that was Grandobodiās sone / howe he was made kynge / and sythe put downe for his wyckednesse.
AFter Grandobodiam regned his sone Artogaill .v. yere / & he became so wyc∣ked & so sterne yt the brytons wolde not suffre hym to be kynge / but put hym downe & made Hesyder his brother kynge / & he be came so go¦od & merci able that mē hym called kyng of py¦te. And whan he had regned .v. yere he had so grete pyte of h{is} brother Artogaill that was kī∣ge before· And anone he forsoke his dignyte & toke his brother the crowne ayen & made him kynge ayenst all the brytons wyll. ¶And af∣ter Artogaill became soo good of condicōns / that he was well beloued of the londe for he ca¦me so debonayr and free / and dyde ryght & re∣ason to all maner of men. And he regned .vi. yere and deyed / and lyeth at Grauntham.