Here begynneth a shorte and abreue table on the Cronycles ...

Of the gouernaunce of Rome tyll the Emperours beganne.

AFter thys tyraunte was deed the Ro∣mayns ordened that theyr sho••de neuer be kynge more in Rome. But they wolde be gouerned fro that forthe by Cōsules. So whā tho kynges had regned .ii. hondred yere and .xl. they made thys statute that two Consules sholde be chosen: & they sholde gouerne the cy∣te & the people. & for this cause these two were chosen that ony of thē wolde make ony yf ex∣cesse: the other sholde gouerne hym. For theyr was no thynge obeyed: but yf they consented bothe. Also they sholde not stonde in ther dyg∣nyte passynge one yere: for thys cause. That for domynacyon of longe tyme: they sholde not vsurpe vpon them more than was ryght In alle thys tyme the Empyre of Rome was not dylated possynge .xii. myle. The fyrst Con¦sules that were made: they called Lucium and

the other Brutū / and these two men dyde gre∣te thynges in theyr time But yet y^e peple bare heuy of theyr domynacyon / wherfore they cho¦se an other man / the whyche shold haue more auctoryte than they / & they called hym Dicta∣tor ¶In this same tyme theyr was a grete dys¦cencyon betwixt the people and the Senate werfore they chose Trybunas wyth theyr Iu∣ges ouer the people / and defended them fro wronge as saythe ysyder. For the Dictator whan he was chose he lasted .v. yere / and the Trybunas were remeued euery yere. ¶But ye muste vnderstōde that ye shall not haue here after all y^e Consules named that gouerned Ro¦me bytwene y^e sessynge of kyng{is} / & the begyn∣nynge of themperours. For it were to long to wryte / specyally whan euery yere were newe syn / that one man myght be chosen soo often∣tymes as we rede / and also for the endurynge of ther gouernaunce. For they were gouer∣nours of Rome .v.C. yere .lxvii. So the moste famous men of these shalle be reherced / after the fourme of Cronycles / and as they stonde in the boke was echeone after other.