¶Anno mundi .ii.M.ii.C.xlii. Et ante xp̄i natiuitatē .ii.M.vi.C.lvii.
SEm sone to Noe / the seconde yere after the flood gate Arpharat / & other whyle he is called Melchisedeth The whiche fyrst af¦ter the flood made the cyte of Salem / & now it is caled Ierusalem ¶Cham his broder optey¦ned Affricam / & gate sones tweyne. Chus and Mesrayam. And the two gate sones & dough¦ters / & many a regyon was of them & many of them to vs ben vnknowen. For they enhaby∣te & haue theyr mansyons in ye occydentall yn∣de. ¶Iaphet was broder vnto Cham / & was blessyd of his fader / & this Iaphet had .vii. so∣nes. as Gomor. magog. Maday. Ianam· Tu¦ball. Masog. & Iras. And these .vii. gate sones & doughters / & of them came many a regyon (Vide p••••a Gen̄ .xv.) ¶Arpharat sone to s••m lyued .CCCC. & .xxx. yere. And gate Elam. As∣sure. Ludde / & Aram / & they gate many a sone & doughter (vt pʐ gen̄) ¶This Assur / by cau∣se he wolde not rebell ayenst god. in the edefy∣enge & buyldynge of ye toure of Babylon / as Nemroth dyd therfore he was dryuen vnto ye londe of Sennaars londe / whyche was ryght straunge to hym & was not afore enhabyted / The whiche was called after his name Assuri¦a. And there he edefyed & buylded a cyte after∣warde named Niniue / ye whiche was Metro¦polon of all the kyngdom of Assuriū. ¶Chus sone to Cham was fader to Nemroth. Thys Nemroth was a gyaunt of .x. cubytes longe. & he began to be myghty in ye worlde & he is cal¦led a boystous hunter afore god This man be¦gā that wretched vyce of coueytousnesse by h{is} tyranny / with the whiche vyce euermore after this worlde is fulfyled. And the pryncypalest kyngdom that he had was Babylon. & he had Archade. Edissa. Selencia / & the londe of Sen¦naar. ¶Sale sone to Arpharat lyued .cccc. & .xxxiii. yeres. & of hym in scrypture is no thyn∣ge wrytē but that Moyses nombred hym ī the lyne that cometh of cryste. Th{is} Sale gate a so¦ne that was named Heber The whiche after ye Hebrewes had the spyryte of prophecye. And of this Heber ye Hebrewes ben named. For the Hebrewes tonge bode alone in his hous in the confusyon of the lāgage And that lāgage was called mānes langage / the whiche euery man vsed afore the toure of Babyloa was buylded ¶This Heber hadde two sones / and one was called Iectan thrughe ensample of Nemroth decensendynge from Cham toke the Prynce∣hode vpon the childern of Sem. And he hadde .xiii. sones. But these people after Ierom are not knowen of vs / for fernesse of the coūtree / or muta••yon & chaungynge of the people / or elles of some other manere cause.