¶Anno mundi .M.iiii.C.liiii. Et an∣te xp̄i natiuitatē .iii.M.vii.C.xlv.
LAmeth was of aege vii. hōdred .lxxvii. This Lameth the fyrst agaynst natu∣re & good maneres ordeyned that a mā myghte haue two wyues / in doyng his auowtry. And he was sore punysshed of them / for they gaue hym many a grype For it is so that bi what thī¦ge a man sen̄eth / by the same he is punysshed. This Lameth slewe Cayn wylfully not. But whan he was olde & blynde / he was ladde of a childe ye whiche trowed that he had seē a wylde beste & sayd to his mayster that he sholde shote & so he slewe Cayn. wherfore he bete the childe so sore that the childe also was deed ¶And it is to be knowē that al craftes / or scyēces lyberal or hande craftes / or of physyke seruyng to the curyosyte of man are redde that they were fost¦den of ye childern of Lameth and for they drad¦de the perylle to come of the flood & of the fyre therfore Tuball graued ye same craftes ī two pylers. The one was of Marbyll / the other of ••yle or brycke. ¶Tuball foūde fyrst the crafte to werke golde & syluer / & yren. And was ye fyr¦ste grauer that euer was ¶Iabe foūde first Tē¦••oria for shepherdes / and pauelyons for other men. ¶Iuball founde fyrste the crafte to pla¦ye vpon an harpe and organs and other musy¦call Instrumentes he vsid. ¶Nocma founde fyrst ye crafte for to weue lynnen & wollen clo∣the / and to drawathredes of wulle and flexe. And afore that tyme / the people vsed the skyn¦nes of bestes for ther clothes.