Here begynneth a shorte and abreue table on the Cronycles ...

¶Anno mūdi .iii.M.vi.C.lxxviii. Et ante xp̄i natiuitatē M.v.C.xi.

AMynadab son̄e to Aron / of crystes ly∣ne was this tyme. Thys Amynadab fyrst after moyses with a full fayth / entred in to the reed see / & dredde not whan many a hon¦dreth were ferde leste they sholde be drowned / and therfore he deserued to brynge forthe the kynges lygnage / of whome descended our lor¦de Ihesu Cryst. Moyses was the fyrst of Isra¦el that euer was / & he was Iuge .xl. yere. This Moyses was the most excellent prophete that euer god made / and the moost notable wryter of storyes / & of his louynge heuen & erthe spe∣kethe. For he sawe almyghty god clerely face to face whiche in this frayl lyf was neuer foū¦den

in scrypture but of hym & Poul thapostle ¶Aron y^e fyrst bysshop lyued a .C.xxiii. yere / this Aron was called of god in to y^e dignyte of the hye preest or of a bysshop & was ordened y^e eternal testamēt to himself & to al that come af¦ter hym for the gret power of presthode. whā he was a .C.xxiii. yere of aege / he decessed and was buryed in the hylle of Hor. And his sone Heleazarus succeded hym in y^e bysshopryche. ¶Pharao Boccaris this tyme was kynge of Egypt / & this Pharao wolde not here the cō∣maūdement of god / ne delyuer the childern of Israel / wherfore he was punysshed with ten plages (Vt patʐ exo) And after he with all his hoost were drowned ī y^e red see. Nason sone to Amynadab was prynce of the trybe of Iudas in the deserte / and about this tyme the lawe of god was gyuen in the hylle of Synay / & the bo¦ke of Leuicici was wryte / and another booke was called Numerū / & the tabernacle was or¦deyned. The boke of Deuteromanū was ma∣de. Balaam was prophete and was slayne.