as his vncle Abraham was· And for this Loth abraham smote .iiii. kyng{is} / for they toke Loth (gen̄. xiiii. Of whom one was sayd to be Nemroth but he is called here amraphel. And Abrahā had many wyues / as Sara & Agar. & his childern & his brethern had many childern But for vs that write cronycles it is not neces¦sary / to speke of all men / but of y
e noble faders (sed vide pla
••ine gen̄) ¶Melchisedech this ty¦me was kyng of Salē. This man was called a ryght wys kyng / for his excedynge holynesse And he offred bred & wyne to Abrahā in sygne of a gret mystery. He was also the preest of the hye god. ¶Semiramis y
e thyrde kyng of Ba¦bylon / he ordeyned an army / & went into ynde & opteyned that coūtre. And so by all Asyā / the kyngdom of Assurio{rum} was dilated. & he multi¦plyed y
e cyte of Babylon myghtly. & made wal¦les about it. This Semiramis had a wyf & he forsoke her & it is wrytē that she was slayne of her sone Nin{us} / by cause she prouoked hym to the vnlefull cōcupyscēce (sic di. Au. viii.dcci. dei.) & y
e mayster ī h{is} storyes sayth that she wed¦ded hir owne sone & he gate a childe on her / the whiche ordened babylon / to be y
e heed of al his reame. ¶Ninus the fourth kyng of Babylon was sone to grete Ninus. Of this man lytell is wryten but that he slewe his owne moder as is sayd afore ¶Arrius was the fyfth kyng of Babylon. And vnder hym was borne ysaac.
ALso ysaac sone of Abraham / of y
e lyne of Cryst / lyued .C.lxxx. yere. this ysaac had a wyf called Rebecca & on her he gate two sones Esau & Iacob. This Esau solde his he rytaūce to his broder Iacob. & he was y
e fader of Idumeo{rum} / & he had in possessyon y
e hylle of Seyr / & put fyrst marys to asses wher of was engēdred mules. ¶About this tyme .xxx. lord shyps & Gomorra for ther horryble syn̄e were ouerthrowen. the wyf of Loth / lokynge back∣warde torned in to a salt stone / sheweth y
e noo man in the waye of delyberacyon shold desyre thynge past (hec Aug{us} de ciuitate dei)