Here begynneth a shorte and abreue table on the Cronycles ...

¶Of the descrypcyon of Scotlonde somty¦me named Albania. ca. xxi. (Book 21)

IT is a comyn saw that the countre why¦che is now named Scotlonde is an out stretchynge of the north syde of Brytayn and is departed in the south syde frome Brytayne wyth armes of the see / and in the other syde yt is be clypped with the see. This londe hete so∣me tyme Albania and hadde that name of Al∣banactus that was kynge Brutes sone Alba∣nactus dwelled fyrste therin / or of the prouyn∣ce Albania that ys countre of Scycia & nygh to amazona therfore Scoctea ben called as ye were scyttes for they come oute of Scicia. Af∣ter warde that londe heet Pyctauya for y^e Pyc¦tes regned ther in a thousande .CCC.lx· yere. And atte last heet. Hibernia as Irlonde hyght ¶Gir. in top. For many skylles / one is for af∣finite and alye that was bytwene them and I¦rysshmen for they tooke theyr wyues of Irlon¦de and that is openly seen in her byleue / in clo¦thynge / in langage and in speche / in weyyn & in maneres. An other skyll is for Irysshemen dwelied there somtyme. ¶Beda .li.i. Out of Irlonde that is the propre countree of Scot∣tes come Irysshmen wyth her duke that was

called Rendar. And with loue and with strenth made hem chyef sees and Cytees besydes the Pyctes in the Northe syde. ¶Gir. Nowe the londe is shortlye called Scotlonde of Scottes that come oute of Irlonde and regned ther in CCC.xv. yere vnto reed wyllyams tyme that was Malcolyn broder. ¶R. Manyeuydenc{is} we haue of this Scotlonde that it is oft called and byghte Hibernia as Irlonde dothe. ¶Therfore Beda .li.ii. ca. xi. sayth that Lau∣rence Archebysshoppe of Dunbar was Arche¦bysshop of Scottes that dwelled in an ylonde that heet Hibernia and is nexte to Brytayne. ¶Beda .li.iii. ca. xxvii. Saythe Pestilence of moreyn bare downe Hibernia. Also .li.iii. ca. ii. saythe that the Scottes that dwelled in the south syde of Hibernia. Also: li.iiii. ca. iii. he sa¦yth that Cladde was a yonglynge and lerned the rule of monkes in Hibernia. Also .li.iiii. ca. xxii. Egfridus kynge of Northeumberlonde destroyed Hibernia: Also .li.iiii. ca. xv. the mo∣ste dele of Scottes in Hibernia and in the sa∣me chapytre be called Hibernia proprely na∣med / y^e weste ylonde is an hondred myle from eueryche / Brytayne and departed with the see bytwene & called Hibernia that countree that nowe is called Scotlond / there he telleth that Adamua abbot of this ylonde sayled to Hiber¦nia for to tethe Irysshmen the lawfull Ester∣daye And at laste come ayen in to Scotlonde. ¶ysy. ethi. li.xiiii· Man of this Scotlonde ben named Scottes in theyr owne langage & Pyc¦tes also. For somtyme her body was peynted in this manere / they wolde some tyme wyth a sharpe egged tole prycke end kerue ther owne bodyes and make theron dyuerse fygures and shappes & peynt hem with ynke or with other peynture or coloure / and bycause they were so peyntede they were called picti that is to saye peynted. ¶Erodotus Scottes ben lyghte of herte and wynde inough / but by medlynge of Englysshmen they ben moche amended / they ben cruell vpon theyr enmyes and hateth bon¦dage moost of ony thynge and holde for a fou∣le slouth yf a man deye in his bedde and grete worshyp yf he deye in the felde. They ben lytyl of mete and mowe faste longe / and eten selde whan the sonne is vp / and eten flysshe fysshe mylke and fruyt more than brede and though they be fayr of chappe they ben defoulde & ma¦de vnsemely ynough with theyr owne cloth thȳ¦ge They prayse fast y^e vsages of theyr owne for faders & dyspysen other mēnes doynge her lon¦de is fraytful ynoughe in pasture gardyns and feldes. ¶Gir. de. p̄. ca: xviii. The prynces of Scottes as the kynge of Spayne bē not won∣te to be enoynted ne crowed. In this Scotlond is solēpne & grete mynde of saynt Andrewe tha¦postle: For saynt Andrewe we had the north par¦tyes of y^e worlde Scites & Pyctes to his lot for to preche & cōuert the people to crystes byleue. And at laste he was martred in Achaia in gre∣cia in a cyte y^t was named Patras & his bones were kepte .CC.lxii. yere vnto yere vnto Cōstā¦tynus thēperours tyme. And thenne they were translated in to Constantynople & kepte there .C.x. yere vnto Theodosyus thēperours tyme & thenne Vngus kynge of Pyctes in Scotlond destroyed a grete parte in Brytayne and was besette with a grete hoost of Brytons in a fel∣de called Marke. End he herde saynt Andrew speke to hym in thys manere. Vngus vngus here thou me Crystes appostle. I promyse the helpe and socour whan thou haste ouercomen thyn enmyes by my helpe / thou shalt gyue the thyrde deele of thyn herytage in almesse to god almyghty / in the worshyp of saynt Andrewe / and the sygne of the crosse were tofore hys host and the thyrde daye he hadde the vyctory and soo torned home ayen and deled hys herytage as he was baden. And for he was vncertayne what Cytee he sholde deale for saynt Andrewe he fasted thre daye / he and his men prayed Sa¦ynt Andrewe that he wolde shewe hym whate place he shold chese. And one of the wardeyns that kepte the body of saynt Andrewe in Con∣stantynople was warned in hys slepte that he sholde goo into a place whyder an angell wol¦de lede hym and soo he come in to Scotlonde wyth .vii. ••elowes to the toppe of an hylle na∣med Ragmonde. The same our lyghte of heuē beshone and beclypped the kynge of Pyctes that was comynge wyth hys hooste to a place called Carceuan. Ther anone were helde ma¦ny seke men. There mette with the kynge Re∣gulus the monke of Constantynople with the relyques of Saynt Andrewe. There is foun∣ded a chyrche in worshyppe of Saynt Andre∣we that is heed of alle chyrches in the londe of Pyctes. ¶Too thys chyrche comen pylgrym∣mes oute of alle londes· There was Regulus fyrste abbote and gadred monkes. ¶And soo

alle the 〈◊〉〈◊〉 lōde that the Kynge hadde assyg¦ne•• hym he departed it in dyuerse places amō∣ge abbayes.