¶De orientalibus episcopis.
IT is knowen that the Eest Saxons al¦waye fro the begynnynge to nowe were subgette to the bysshop of London But the pro¦uynce of the eest Angels that conteyneth Nor¦ffolke and Souffolk had one bysshop att Don¦wyk / the bysshop heet Felix and was a Bour¦gon & was bysshop .xvii. yere / after hym Tho¦mas was bysshoppe .v. yere after hym. bonefa¦ce .xvii. yere. Thenne Bysy afterwarde was ordeyned by Theodorus & ruled the prouynce whyle he myght endure by hymself allone / Af¦ter hym vnto Egbertes tyme kyng of westsax¦on an hōdred .xliii. bysshops ruled that prouyn∣ce oone att donwyk and an other of Elyng∣ham. Neuertheles after Ludecans tyme kyn¦ge of Mercia lefte and was only one see att E∣lyngham vnto the .v. yere of wyllyam conque∣roure / whan Herfastus the .xxiii. bysshop of the estrene chaunged his see to Tetforde / and his successour Herbertus chaunged these fro Tet¦forde to Norwhiche by leue of kynge wyllyam the reed. The see of Ely that is nyght therto the fyrst kynge Henry ordeyned the .ix. yere of his regne / and made subgect therto Cambryd¦geshyre that was tofore a parte of the bysshopryche of Lyncoln / and for quytynge therof / he gaafte to the bisshop of Lyncoln a good towne called Spaldynge.