¶De episcopis occidentalib{bus} wilhelmus.
HAue mynde that all the prouynce of west saxon hadde alwaye one bysshop fro the begynnynge vnto Theodorus tyme / by graun¦te of kynge Islo kynge of westsaxon the fyrste Birrynus ordeyned a see at Dorchestre that is a symple towne by southe Oxenforde besyde walyngforde bytwene the metynge togyder of Temse & Tame whan Birinus was deed. Kē¦walcus the kyng ordeyned a see at wynchestre as his fader hadde purposed / there agylbert a Frenssheman was fyrst bysshop of all the pro∣uynce of westsaxon. For yt tyme the cyte & ye see of Dorchestre perceyued & longed to ye prouyn¦ce of Meria / that cyte standeth with in Tem¦se. & the Temse departeth bytwene Mercia & westsaxon. And after that Agylbert was pute out of wynchestre that tho hyght winton then was there an Englysshe bysshop that was cal¦led wyne. / Some men suppose yt this cyte hath the name of this wyne / & is called wynchestre as it were wyne cyte. At the last he was put out and after hym come Leutherius the forsayd A¦gelbertes neuewe. After Leutherius hedda a¦whyle was bysshop there. whan he was deed. Theodorus the Archebysshop ordeyned two bysshops to the prouynce of westsaxon. Dany¦ell atte wynchestre to hym were subgette two coūtres / Sothery & southampshyre / & to hym were subget syx countrees. Barkshyre wylt∣shyre Somersete Dorseteshyre Deuenshyre & Corne walyle. ¶Treuysa. It semeth by this yt westsaxon conteyted. Sotherye Southampe∣shyre Dorseteshyre Deuenshyre Corne wayle ¶Wilhell. After warde in elder Edwardes ty∣me to these two sees were ordeyned by cōmaū¦dement of Formosus the pope thre other sees. At welles for Somersete. At Kyrton for Deuē¦shyre. and. At saynte Germayn for Corneway¦le. Not longe after warde the syxt see was sette At Rammesbury for wyltshyre. At the last by commaundement of kynge wyllyam conque¦roure all these sees saue wynchestre were tor∣ned and chaunged out of samlle Towne in to grete Cytees for Shyrborn and Rummesbu∣ry were torned in to Salysbury. Now to that see is subgette Barkshyre wyltshyre and Dor¦sete. The see of welles was torned to Bathe / therto is now subget all Somersete. The sees