Here begynneth a shorte and abreue table on the Cronycles ...

¶Of the meruayles & wondred ca. iiii. (Book 4)

IN Brytayne ben hote welles wel arayed and adressed to the vse of manhode / may¦sters of thylke welles is the grete spyrite miner¦ua In her hous the fyre endureth alwaye that neuer chaungeth into asshen / but there the fy∣re slaketh. it chaungeth into stone clothes· Al∣fre. In Brytayn ben many wondres Neuer¦theles four ben moste wonderfull / the fyrste is att Peton there bloweth so stronge wynde out of the chynes of the erthe y^t it casteth vp agayn ••lothes that mē caste therin. The secōde is att Stonhenge besydes Salesbury there ben gre¦te stones & wonder huge. and ben teten on hy¦ghe as it were yates sette vpon other yates Ne¦uertheles it is not konwen clerely ne appercey¦ued how and wherfore they bē so arered and so wonderfull honged. The thyrde is at Cherdbo¦ke there is a grete holownes vnder the erthe often many mē haue seen· Ryuers and stremes But no where can they fynde none ende The fourth is that rayn is seen reysed vppon hylles and none yspronge aboute in the feldes. Also there is a grete pounde that conteyned .lx. ylon∣des couenable for men to dwelle in that ponde is beclypped aboute with syx score Roches & vpon euery roche an egles neste and th••e score Ryuers rennen into that ponde. And none of them all renne into the see but one / Ther is a ponde closed aboute with walle of tyle and of stone. ¶In that ponde men wasshe and bathe ryght ofte. and euery man feleth the water hoo¦te or colde ryght as he wyll hym selfe. There bē salte welles ferre frome the see and been salte al the weke longe vnto saterdaye atte none vnto monday The water of these welles whan it is soden torneth into smale salte fayre and whyte ¶Aso there is a ponde the water ther of hath wonder werkynge. For though all an hooste

stode by the ponde and tourned theyr face thy¦der warde the water wolde drawe hym vyolēt¦ly towarde the ponde and wete alle theyre clo∣thes / Soo sholde hors bee drawen in the same wyse. And yf the facebe torned a waye fro the water the water noyeth not. There is a welle that noo streme renneth fro ne neyther therto and yet four maner of fysshe be taken ther in. y^e welle is but xx. foote longe and xx. foote brode ¶And bereth noo grete depte but to the knee / And closeth with hyghe bankes on euery syde. In the countree about wynchestre is a denne or a caue / out of y^e caue bloweth al waye a strō∣ge wynde / so that no man may endure to ston¦de to fore y^t. denne or caue. There also is a pon¦de y^t torneth tree in to yron yf it be ther in a ye∣re. And soo trees ben shapen in to whestones. Also there is in the toppe of an hylle buryels e∣uery man that cometh & meteth that buryell / he shall fynde it euen of his owne lenth & mesu¦re· And yf a pylgryme knele therto anonr he shall be all fresshe & fele noo gryef of werynes. ¶Git in· top. Fast be the mynstre of wynbur¦ney that is not ferre fro bathe is a woode that bereth moche fruyte / yf the trees of that wood fall in to water or grounde y^t is nyghe & lye the∣re all a yere. the trees tornen ī to stones. ¶Gir¦itenere. Vnder the Cyte of Chestre renneth y^e Ryuet Dee•• now departeth Englonde & wa∣les. That Ryuer chaunged euery moneth hys lordes as men of the countre tellen & leueth of∣ten the chanell / but whether the water drawe more to warde Englond or to warde wales to what syde y^t it be. that yere men of y^t syde haue the worst ende & ouer sette. And men of y^e other syde shall haue better ende & be at theyr aboue whan the water so chaungeth hys course yt bo¦deth suche happes. This Ryuer Dee renneth & cometh out of a lake y^t heet. Pymblemere. in this Ryuer is grete plente of samon / neuerthe¦les in the lake is neuer samon founden. ¶wyl helde re le ii. Take hede how grete lyghte and bryghtnesse hath ben shewed vpon Englyssh¦mē sythe they fyrst torned to ryght byleue. So that of no men in ony prouynce ben founden so many hole bodyes of men after her dethe in sykenes of euerlastyngnes y^t shall be after the daye of dome / as it well semeth in these hooly Sayntes as Edeldrede / Edmonde / the kynge Elphege: Edgar Cutberde & saynt Edwarde & many other I trowe y^t it bedoo by a specyall grace of god almyghty for y^e nacyon that is set as it were without the world take hede to buryē¦ge of bodyes without corrupcyō and rotynge / and ben the more bolde & stedfaste for to trust on the fynall arysynge of dede dodyes for to la∣ste euermore after the daye of dome.