¶Of the settynge boundynge lenthe and brede of this londe.
THis Brytayne is accoūted a noble lon¦de both in our storyes & also in ye story∣es of Grekes. and is sette ayenste Germania. Gallia. Fraūce & Spayne bytwene the north and the west & the see bytwene. This londe is fyfty myle from the clyf of the men that be cal¦led morini gessiorico. ¶Bedali .i. And for this ylonde lyeth vnder the north hede of the worl∣de. And it hath lyght and bryght nyghts in ye somer tyme. So that of tentyme at mydnyght men haue quastyons & doubte whether it be e∣nyntyte or dawynge / yt is for the tyme of ye ye∣re that the sonne goeth not ferre vnder the erth by nyght but passeth by the north syde and co∣meth soone in to the eest agayne. And therfore in ye somer ben theyr dayes full longe of .xviii. houres & the nyghtes of .vi. houres. And after in the wynter ben longe nyghtes of .xviii. hou¦res and shorte dayes of .vi. houres· Also in Ar¦menia. Macedonia. Italya & in other londes of the same lyne the lengest day & lengest nygh¦te also is of .xv. houres. and the shortest day or nyght is of .••x. houres. ¶Plinius in meroe. That ylonde is chyef of blacke men / ther is ye lengest day .xii. houres. In Alexandre ī Egypt of .xiii· oures in ytalya of .xv· houres. In bry¦tayne of .xviii· houres. In the ylonde named Tyle all the .vi somer monethes is daye & all the .vi. wynter monethes in nyght. ¶Isyd li.xiii. Brytayn is sette wythin Occian as yt we¦re without the worlde / & is sette ayenst Fraun¦ce & Spayne. ¶Giraldus. Brytayne in end∣longe and larger in the myddell than in the en∣des. ¶Orosius. Brytayne stretcheth in lenth out of the south in to the north and in the south est it hathe Fraunce / in the south Spayne the north / Nowaye. & in the west Hybernia / that Is yrlonde. whan shyppemen passen the nexte clyf of that londe they se a cyte that heet Rup∣ty mouth. ¶Beda .li.i· That cyte is nowe cal¦led shortly of Englyshmen Reptacestre / ¶So¦linus / Brytayne is .viii. hondreth myle of len∣the & it be moten fro ye clyf of Totenesse to the angle of Colydon. ¶Alfre That is from pen∣with strete .xv. myle be yonde Mychels stowe in Cornwayle vnto catenesse that is beyonde Scotlōde & brytayn is more thā ·ii.C. myle bro¦de frō Meneuia that is ye vtermest place in wa¦les vnto yarmoth in nothfolke. ¶Beda On¦ly out take the lengest out sherynge of dyuerse for londes with the whiche Brytayne is all a∣boute .xlviii. sythe .lxx. thousande paas.