Here begynneth a shorte and abreue table on the Cronycles ...

¶Anno dm̄ .M.lxvi.

GRegorius the .vii. was pope after Alex∣ander .xii. yere / this man ordeyned in a generall Synodus / that no preest sholde ha∣ue a wyf ne sholde dwelle with wymmen / but tho that the holy Synodus of Micena and o∣ther decrees had suffred. And then̄e the preest{is} sette nought or lytell pondred hys ordynaun∣ce. This pope cōmaunded that no man shol∣de here masse of a preest that had a concubyne And he on acertayne tyme whan he was Car∣dynall and Legate in to Fraunce / proceded sharpely ayenst prelates and / that were symo∣mers. And amonge other was one bysshoppe there that was gretely famed with symonye. And those that accused hym / pryuely hyered them to saye the countraye. The whiche the Legate conceyued / and afor•• all the people he sayde. Lete the Iugement of this men cesse at this tyme / for it is dysceyuable / and lette god dyspose for it. And sayde / thus it is certayne. That the dygnyte of a bysshop is the yeuer of the holy ghost. And whosomeuer byeth a bys∣shopryche / doth ayenst the holy ghost. Then̄e yf thou bysshop dyde not ayenst the holy ghost saye openly afore all the people (Glori•• petri et filio et speritui sancto) And many tymes he beganne to saye it / but he coude neuer speke (spiritui sancto) Thenne he was deposyd of his bysshopryche / and after he coude speke it wyll ynoughe. ¶Victor the thyrde was pope after hym oo yere / & this man was poysoned with venym in the chaly••. ¶Vrbanus was pope after hym two yere. This man cursyd y^e kynge of Fraunce for his adu••••••erys. And he

called a counseyll at Claurum in the whyche he ordeyned / that matyns of our lady shold be sayd euery daye / and on Saterday her solem¦pne masse. And it is sayde / that this was she∣wed vnto y^e freres of Cartusis. ¶Also he cal¦led an other counseyll att Turan for the holy londe to be wonne ayē / and pryuoked the peo¦ple to that matere / and within a lytell tyme af∣ter that matere / the holy londe was recouered and the sepulcre of our lorde / and Anthioche with many other cytees taken fro the Sarra∣syns. And it is sayd and byleued that .CC.M. crysten men wente to that Iourny For there wente of states olde men and yonge / and also ryche and poore / and noo man compelled the∣ym. And this passage was made by the vysy∣on of our lady. And the prynces of thys peaple were dyuerse One was Godfroy de Boloynt a full noble man of all the worlde / and a ver∣tuous man / and an other was Beemonde the Duke of Neaples. And y^e thyrde was Hughe the kynges brother of Fraunce / and many o∣ther / the whyche / dyde full nobly for the fayth of god. ¶And it were to longe in this boke to reherce the gloryous actes that they dyde. ¶Of kynge wyllyam Rous that was kynge williams bastardes sone y^e destroyed townes / & houses of Relygyon for to make y^e newe forest.