¶Anno dm̄ .M.CC.lxxiiii.
MAr••inus ye .iiii. was pope after Nycho¦laus .iiii. yere. thys man was a grete lo¦uer of relygyous men / & great attendynge to vertuous werkes. Thys man cursyd the Em¦perour of Constantynople / in so moche as he promysed for to torme to the fayth in the gene∣rall counseyl▪ and dyde not / for the whyche he suffred many passyons & all holy chyrche. Also he cursyd the kyng of Aragon / for he expulsyd the kyng of Cecyle fro his kyngdome. And af∣ter he had done many bataylles ayenst men of mysbyleue & many trybulacōns suffred / he de¦cessyd & dyd many miracles. ¶Nychola{us} deli¦ra a noble douctour of dyuyte was thys tyme at Parys this man was a Iewe of nacyon / & he was cōuerted & myghtely profyted in the or¦dre of frere Mynours. & he wrote ouer all the Byble. Grelles he was in the yere of our lord .M·CCC.xxx. & some man say he was a Bra¦ban & yt his fader & his moder were crystne but for pouerte he vysyted ye scole of ye Iewes / & so he lerned the Iewes langage or elles thys Ny¦chola{us} was informed of the Iewes in hys yon¦ge aege. ¶Honorius ye fourth was pope after Martyn{us} two yere / & lytell of hym ys wryten / but that he was a temperat man & a dyscerte. ¶Nicholaus the fourth was pope after hym foure yere / this man was a frere Mynor / & al¦though he was a good man in himself / yet ma¦ny vnhappy / thynges fell in his tyme to ye chir¦che. For many a batayll was in ye cyte thrugh his occasyon / for he drewe to moche to the one parte. And after hym thre was no pope two ye¦re and .vi. monethes.