¶Anno dm̄ .M.C·lvi.
ADrianus the fourth was pope after A¦nastasius ·v. yere. This pope was an Englysshe man & the voys of ye comyn people sayth he was a boūde man & to the abbote of sa∣ynt Albon in Englonde. And whan he desy∣red to be made a monke there he was expulsyd and he wente ouer see and gaue hym to studye and to vertue. And after was made bysshop of Albanacens / thenne he was made Legate in to the londe of wormacian / and he conuer∣ted it to the fayth. Thenne he was made pope and for the woundynge of a Cardynall he en∣terdyted all the cytee of Rome / And he cursyd wyllyam the kyng of Cecyle / and caused hym to submytte hym. This man the fyrst of all ye popes with his Cardynalles dwelled in the ol¦de cyte. ¶Alexander the thyrde was pope af∣ter hym .xii. yere. This Alexander had stryfe ·xvii. yere / and the foure stryuers that the Em¦perour sette ayenst hym / he ouercame them & cursyd them / and all deyed an euyll deth This man also accorded Frederyke the Emperour and▪ Emanuell of Constantinoble / & the kyn∣ge of seculorū And this man nourysshed saynt Thomas of Caunterbury in his exyle. ¶Nota. ¶Saynt Bernarde was ca¦nonysed by this Alexander / and his abbot for bode hym he sholde do no myracles / for there was so myghty concours of people. And he obeyed to hym whan he was deed and dyde no moo. ¶Lutius the thyrde was pope after Alexander .iiii. yere and two monethes. Of hym lytell is wryten. In hys dayes decessyd Henry the fyrste sone to Henry the seconde / & this is his Epytaphy. Omnis honoris honor decor et decus vrbis et orbis. Milicie splendor gloria lumen aper. Iulius ingenio virtutibus hector. Achellis viribus. Augustus moribus ore paris. ¶Vrbanus the thyrde was pope after Lucius two yere / this man decessyd for sorowe whā he herde tell that Ierusalem was taken with the sarrasyns· ¶Gregorius the viii. was pope after hym foure monethes And he practysed myghtely howe Ierusalem myght be wonne ayen / but anone he decessyd.
¶Clemens the thyrde was pope after hym thre yere / and lytyell he dyde.