Here begynneth a shorte and abreue table on the Cronycles ...

¶Circa Annū dm̄ .M.CCCC.vii. ¶Of syr Henry of Bolynbroke Erle of Derby that regned after Kynge Ry¦charde / whiche was the fourthe Henry after the conquest.

ANd after Kynge Rycharde the seconde was deposed and out of hys kyngdom the lordes and the comynes all wyth one assen¦te

and all other worthy of the reame chosen Hē¦ry of Bolyngebroke Erle of Derby sone and heyre of Iohan the duke of Lancastre for his worthy manhode that ofte tyme had be founde in hym and in dedes preued. vppon Saynt Ed¦wardes daye the confessour he was crowned kynge of Englonde at westmynster by assente of alle the reame nexte after the deposynge of kange Rycharde. Than he made Henry his eldest sone prynce of wales and duke of Corne¦wayle & erle of Chest••e. And he made syr Tho¦mas of Arūdell Archebysshop of Caunterbury ayen as he was before. And syr Roger walden that kynge Rychard had made Archebysshop of Caunterbury be made bysshop of London for that tyme it stode voyde. And he made the Erles sone of Arundell that came wyth hym ouer the see frome Calays in to Englonde. He made hym erle of Arundell as his fader had bē and put hym in possessyon of all his londes. and he made homage and feaute vnto his liege lorde the kynge as all other lordes hadde don. ¶And than anone deyed kynge Rycharde in the castell of Poūfret in North countre / for the¦re he was enfamed vnto deth by hys keper / for he was kept there .iiii. or .v. dayes frome meete or drynke / & so he made his ende in thys world yet moche people in Englonde and in other lon¦des sayde he was alyue many a yere after hys deth. But whether he was alyue or dede y^e peo∣ple helde theyr fals opynyon & byleue that ma∣ny had & moch people came to grete myscheyf & foule deth as ye shall here aftewarde. ¶And whan kyng Henry wyst & knewe verely that he was dede he lete sere hym in the best manere & closed it in a fayre chest wyth dyuerse spyces & bawmes and closed hym in a lynny•• cloth al sa¦uf his vysage and that was left opē that al mē myghtse his persone from all other men. And so he was brought to london with torche lyght brēnynge to Saynt Poules chyrche & there he had his masse and dyryge with moche reuerēce & solempnyte of seruyce. And whā all this was done than he was brought from Saynt Poule into the abbay of westminster & ther he had his hole seruyce ayē. And fro westmynster he was brought to Langley and there he was buryed vpon whoos soule god haue mercy. Amen. ¶And in the fyrst yere of kynge Henryes reg¦ne he helde his Crystmasse in the castel of wyn¦desore. And oon the .xii. euen came the duke of Awemarle vnto y^e kynge & tolde hym that he & the duke of Surri and the duke of Ex••estre and the erle of Salysbury and & erle of Gloucestre and other moo of theyr affynyte werre accorded to make a mommynge vnto the kynge on .xii. daye att nyght / & there they purposed ••ee th•• kynge in the reuelynge. And thus he the duke of Awemarle warned the kyng And whan the kynge came y^e same nyght to Londō preuely ne all y^e hast that he myght to gete hym helpe socou¦re and comforth and coūseyll / And anone these other that wolde haue put the kynge to dethe fledde in all the haste that they myght / for they knewe well that theyr counseyll was bewray∣ed. And than fled the duke of Surrey and the Erle of Salesbury with all theyr menye vnto the towne of Cycestre. And there the people o•• the towne wodle haue arested them And they wolde not stande to theyr arestynge but stode at defence & faught manly But at the last they were ouercomen & taken. And there they ••mo¦te of the dukes heed of Surrey and the Erles heed of Salybury & many other moo & these they put theyr quarters in to sackes & theyr he¦des on poles borne on hyghe and so they were brought thrugh he cyte of London to London brydge and there these hedes were sette vpō ••••¦ghe / and ther quarters were sent vnto other go¦de townes & Cytees of Englonde and sette vp there. ¶At Oxforde was taken Blon••e kny¦ghte and benet Cely knyght / & Thomas wy••¦tersell squyre & y^e there by heded and quartred and the knyghtes hedes were set vppon pooles and brought to London and sette vppon Lon∣don brydge. and the quartres sent forth to other good townes. ¶And in the same yere a•• Prye¦tell well in a mylle in Estser there syr Iohn̄ Ho∣londe the duke of Excestre was taken wyth the comynes of the coūtree / and they brought hym from the mylle to the Plasshe & to the same pla¦ce that kynge Rycharde hadde restyd syr Tho¦mas of wodstok y^e duke of Gloucestre & ryght there in the same place they smote of the dukes heed of Excestre and brought it vnto London vppon a poole and it was sette vpon London brydge. ¶And in the same yere at Brystowe was taken the lorde Spenser y^e kynge Rychar∣de had made erle of Gloucestre / & the comyns of the towne of Brystowe toke hym and brou∣ghte hym into the market place of the towne & there they smote of his heed & sente it vnto Lon¦don

/ and ther it was set vnto London bryd∣ge. ¶And in this same yere was syr Bernard brokeyns knyght taken and arested and put in the Tour of London & syr Iohn̄ shelly knyght and syr Iohn̄ Mawdelyn and Syr wyllyam Feryb•• ••ersones of kyng Rychardes and they were arested and put in to the Toure of Lon∣don / And thyder came the kynges Iustices & satte vpon theym in the Tour of London and there they were dampned all foure vnto the de¦the. and the dome was gyuen vnto Syr Ber∣narde Brokeys that he shold go on foot from the Toure thrugh the Cytee of London vnto Tyburne and there to be hāged and after hys heed smyten of / and syr Iohan Shelly knyght and syr Iohan Mawdelyn and syr wyllyam Fery••e persones were drawē thrugh out y^e cy∣te of Lōdon to Tyburne & there they were han¦ged and theyr hedes smyten of and set on Lon¦don brydge. And in this same yere kynge Hen¦ry sente quene Isabell home ayen in to Fraun¦ce the whiche was kynge Rycharder wyf and gaaf hyr golde & syluer & many other Ieweles and soo she was dyscharged of all hyr power sent out of Englond. And in the seconde yere of kynge Henry the fourth was syr Roger Cla¦ryngton knyghte and two of his men and the pryoure of Launde and ·viii. freres mynors & some maysters of dyuynyte and other for trea¦son that they wrought ayenst the kynge were drawen & hāged at Tyburne all .xii. persones And there began a greate dyscencyon and de∣bate in the countre of wales bytwene the lor∣de Grey rythen and Owen of Glendere squy¦re of wales & this Owen arered a greate nom¦bre of walsshmen & kepe all that coūcre about ryghte strongly & dyde moche harme and dys∣troyed y^e kynges townes & lordshyppes thru∣ghe out all wales and robbed & slewe the kyn∣ges people both / Englysshe and walesshe and thus he endured a .xii. yere largely. And he to∣ke the lorde Grey rythen prysoner and kepte hym fast in holde tyll he was raunsoned of pry¦soners of the marche and kepte hym longe ty∣me in holde. And at the laste he made hym wed¦de one of his doughters & kepte hym styll with his wyf and soone after he deyed. ¶And than kyng Henry knowynge this mischeyf destruc¦cyon and treason y^e this Owen had wrought And anone he ordeyned a strong power of mē of armes & archers & moche other stuffe y^e lon¦ged to warre for to abate and dystroye the ma¦lyce of this fals walsshe man. And than y^e kyn∣ge came in to wales with his power for to dys∣trye this Owen & other rebelles fals walsshe∣men. And anone they fled in to the Montayns and there myght the kynge do them no harme in no maner wyse for the montayns / & so the kynge came ayen in to Englond for lesynge of moche of his peple / & thus he spedde not there. ¶In this same yere was grete scarsyte of whe¦te in Englonde for a quarter of whete was at .xvi. shellynge. And there was marchaundyse of Englonde sent in to Prure for whete / & ano¦ne they hadde lade & fraughtshypoes Inough and came home in saufte thanked be god of all his gyftes. ¶And in the .iii. yere of kynge Hen¦ryes regne there was a sterre seen in y^e fyrma∣ment that shewed hym self thrugh all the worl∣de for dyuerse tookens that sholde befall soone after / the whiche sterre was named by clergy•• Stella cometa / and on saynt Mary Mawdele¦nes daye next folowynge in y^e same yere / was the bataylle of Shrowesbury. And thyder ca¦me syr Henry Percy the erles sone of Northū¦berlonde wyth a grete multytude of men of ar∣mes and archers and gaaf a batayll to Kynge Henry the fourth thrugh the fals and wycked counseyll of syr Thomas Percy his vncle er∣le of worchestre / and there was syr Henry Per¦cy slayne & the moost parte of hys people in the flede / and syr Thomas Percy taken and kept faste in holde twoo dayes tyll the kynge had set¦te in reste hys people on bothe sydes. And than syr Thomas Percy was Iuged to the deth to be drawen and hanged and hys heed smyten of for his fals treason atte Shrowesbury and his heed brought to london and sete on london brid¦ge. ¶And the other people that there was slaine oon bothe parties the kynge lette bu¦rye. ¶And there were slayne on the kynges syde in that batayll the Erle of Stafforde and syr walter Blunte in the kynges cote armur vnder the kynges baner and many moo wor∣thy men vpon whoos sowle god haue mercy. Amen. ¶And in the fourthe yere of kynge Henryes regne came the Emperouer of Con∣stantynople with many gretee solaes and kny∣ghtes and moche other people of his countree in to Englonde to kynge Henry wyth hym to speke and to dysporte and to se the good gouer¦naunce & condycions of our peple & to knowe

the cōmydytees of Englonde. And our kyngē with al his lordes goodly and worshypfully re¦ceyued and welcomed hym and alle his menye that came with hym and dyde hym all the wor¦shyppe that they coude and myghte. And ano¦ne the kynge commaunded all maner offycers that he sholde be serued as worthely and ryally as it lōged to suche a worthy lorde. And Empe¦roure on his owne coste as longe as the Empe¦roure was in Englonde and all hys men that came with hym. ¶And in this same yere camen dame Iane the duches of Brytayne into Englonde and londed atte fal∣lemouthe in Cornewayle / And frome thens she was broughte to the Cytee of wynchestre and there she was wedded vnto kynge Henry the fourth in the abbaye of saynt Swythynes of wynchestre wyth all y^e solempnyte y^t myght be done & made. And sone afterwarde she was brought from thens to London. And the may¦er and the aldermē with the comunes of the cy¦te of London rode ayenst hyr & welcomed hyr and brought hyr thrugh the cyte of London to westminster & there she was crowned quene of Englōde & there the kynge made a ryall and so¦lempne feest for hyr and for al maner of men y^e thyder wold come. And in this same yere dame Blaūche the eldest doughter of kyng Henry y^e fourth was sent ouer see with y^e erle of Somer¦set hyr vncle & with mayster Rychard Clyffor¦de than bysshop of worcestre and with many o¦ther lordes knyghtes ladyes & worthy squyres as longed to suche a kȳges doughter and came into Colayn. And thyder came the dukes sone of Barre with a fayre menye and receiued this worthy laby and the bysshop of worcestre wed¦ded & sacred theym togyder as holy chyrche it wold. And there was made a ryall feest & a gre∣te Iustynge in the reuerence of worshyp of thē & all people y^e thyder came whan this maryage and feest was done the erle & the bysshop and al theyr menye toke theyr leue of the lorde & the la¦dy & came home ayen into Englond in saufte thanked god. ¶And in the .v. yere of kyng Hē∣ryes regne the lorde Thomas hys sone wente ouer see & the erle of Kent & many other lordes and knyghtes wyth mē of armes and archers a greate nōbre to chastyse y^e rebelles that afore had done moche harme to oure Englysshmen & marchauntes / & to many townes & portes in Englonde on the see costes. And the lord Tho¦mas the kynges sone came into Flaundres be¦fore a towne that is called / Scluse amonge all y^e shyppes of dyuers nacyons that were there / & after there they rodē with theyr shyppes amō¦ge them and wēt on londe & sported them there two dayes & came ayen to theyr shyppes & toke the brode see & there they mette wyth thre Ca∣rackes of Iene that were laden wyth dyuerse marchaūdyse & wel māned. & they fought togy¦der longe tyme but the Englysshmen had the vyctory & brought the Carackes into the Cam¦bre before wynchelse & there they cun••ed these goodes / & one of these Carackes was sodaynly brente there. And the lordes and theyr people torned theym home ayen and went no further at that tyme. ¶And the same tyme Serle yo¦man of kynge Rychardes robbes came in to Englonde out of Scotlonde & tolde to dyuerse people that kynge Rycharde was on lyue in Scotlōde & so moche people byleued in his wor¦des wherfore a grete parte of y^e people of the re¦ame were in grete errour & grutchynge ayēste the kynge thrugh informacyō of lyes and fals lesynges that this· Serle had made. For moch people trusted & byleued in his sauynge. But at the laste he was taken in the Northe countree & ther by law Iuged to be drawen thrugh euery cyte & good brugh townes in Englond & so he was serued & at the last he was brought to lon∣don vnto the gylde halle before the Iustyce and there he was Iuged for to be brought to y^e tou∣re of. london and there to be layd on an hurdell and than to be drawen thrugh the cyte of Lon¦don to Tyburne & there to be hanged & thanne quartred and his heed smytē of and set on Lon¦don brydge & hys quartres to be sent to four go¦de townes of Englonde & there sette vp & thus ended he for hys treason and decessed. ¶And in the .vi. yere of kyng Henryes regne y^e fourth the erle of Marre of Scotlonde by cause con¦duyt come into Englonde to chalenge syr Ed∣monde erle of Kent to certayne courses of war¦re on horsbacke. And so this chalenge was ac¦cepted & graūted and the place taken in smyth¦felde at london. and this erle of Marre y^e Scot came proudly into the felde as hys chalenge as¦ked. & anone came the erle of Kent & rode vnto the scot & manly rode togyder wyth sharpe sp••¦res dyuerses courses / but the erle of Kent had y^e felde & gate hym moche worshyp and thanke of all maner men of his manful dedes. ¶And

in the .vii. yere of kyng Henryes regne y^e four the syr Rycharde Scrop Archebysshop of yor¦ke and the Erle Marchall of Englonde gadre¦de vnto theym a stronge power ayenst kynge Henry. And the kynge herynge ther of in all y^e hast y^t he myghty came with his power North¦warde and mette with them at yorke / and the¦re were these two Lordes taken and broughte to the kynge. ¶And anone the Iuges were set¦te and these two lordes brought forth and the∣re they were dampned vnto deth and both the¦yr heedes smyten of and there they made an en∣de on whos soules god for his pyte haue mercy Amen. ¶And whan this was done the kynge came to London ayen and there rested hym· Anone god of his greate goodnesse wrought. & shewed many grete myracles for thes worthy clerke Archebysshop of yorke that thus was do¦ne to deth. ¶And in the .vii. yere of kyng Hen¦ryes regne dame Luce the dukes syster of Me∣layne came in to Englonde & soo to London & there was wedded to syr Edmonde erle of Ken¦te in y^e pryory of saynt Marye oueres in south warke wyth moche solempnyte & greate wor∣shyp / The kynge was there▪ hymself & gafhyr at the chirche dore & whan that they were wed¦ded & masse was done the kynge his owne per¦son brought & ladde this worthy lady in to the bysshops place of wynchestre and there was a wonder grate feest hold on to all maner of pe∣ple that wolde come. And the same yere syr Ro¦bert Knolles knyʒt a worthy warryour deyed at his maner in Northfolk and from thens he was brought to London on a hors bere wyth moche torche lyght & so he was brought vnto the whyte freres in Fletstrete & there was do & made for hym a solempne feest & a ryall entere¦ment for tho that thyder wolde come / both ry∣che & poore & there lyeth buryed by dame Con∣stance his wyf in the mydde of the body of the chyrche on whoos soule god for his pyte haue mercy / Amen. ¶And thus in this same yere syr Thomas Rampston knyght & Constable of the Tour of London was drenched at Lon¦don brydge as he came fro westmyger In war¦des to the Tour in a barge & all thrugh lewde¦nesse. And in the same yere dame Phylyp the yonger doughter of kynge Henry was ladde ouer see with syr Rycharde the dukes brother of yolke and syr Edmond Courteney bysshop of Norwiche & many other lordes kynghtes & squyres ladyes & gentyl women that appartey¦ned to suche a kynges dougher and came in to Denmake / and the kynge receyued thys wor∣thy lady for his wyf / & welcomed these worthy lordes & dyd vnto theym moche worshyp / and they were brought vnto a towne that was cal¦led London in Denmarke / & there was this la¦dy wedded and sacred to the kyng of Denmar¦ke Norway and Swythen & there was crow∣ned quene of Denmarke wyth moche solemp∣nyte & there was made a ryall feest. And whan thys feest and maryage was done and ended these lordes and ladyes tooke theyr leue of the kynge and the quene and came ayen in to En∣londe in saufte thanked be god. ¶And in the .viii. yere of kynge Henrys regne there was a man that was calld the walsshe clerke / & he a¦pelyd a kynght that was called syr Percyuale Snowdone of treason / & there they were Ioy¦ned to fyght vnto y^e vtteraūce wyth in / Lystes & the daye and place & tyme assygned & lymyt∣ted to be done & ended in smythfelde / at y^e why¦che daye tho two persons came in to the felde and foughten sore & myghtely togoder / but at the laste the knyght ouer come the clerke & ma∣de hym yelde hym as recreaunt of his fals enpe¦chement that he had sayd on hym / & than was he dyspoyled of his armure & drawen oute of y^e felde to Tybu••ne & there he was hangyed and the knyght taken to grace & was a good man. / ¶And in the same yere the Erle of Northum∣berlonde and the lorde Bardolfe came out of Scotlonde in preiudyce and dystruccyō of kyn¦ge Henry / wherfore they of the Northe coun∣tree aroson vpō theym and foughte with them and scomfyted them and tooke theym & smote of theyr hedes and quartred theyr bodyes and sente the hede of the erle & a quarter of the lorde Bardolfe to London and there they were sets vpō London brydge for fals treason that they had purposed ayenst the kynge. ¶And in the ix. yere of kynge Henryes regne was syre Ed¦monde Holonde Erle of Kente made Amerall of Englonde for to kepe the see / and he wente to the see wyth many ryall shyppes that were full well arayed and enparelled and enarmed wyth many a good man of armes and arches and of good defence of warre in the kynges na¦me of Englonde / and soo he londed at the laste in the coste of Brytayne in the yle of Bryak with alle his folke / and he besyeged the castell

and assaūted it & they withstode hym wyth gre¦te defence & strenth. And anone he layd his or∣dynaunce & in the lyenge of a gōne there come a quarell & smote the good erle Edmonde in y^e heed & there he caught his deed woūde / but yet they lefte not tylle that they hadde goten the cas¦tell and alle that were therin. ¶And there this good Lorde deyed on whoos soule god ha¦ue mercy. Amen. ¶And than this menye ca¦me home ayen into Englonde with the Erles body and was buryed amonges hys aūcestres ryght worthely. ¶And in the same yere was a grete frost in Englond that dured .xv. wekes. longe. ¶And in the .x. yere of kynge Henryes regne the fourthe came the Soneschall of He¦naude with other menye in Englonde to seke auentures and to gete hym worshyp in dedes of armes bothe on horsback and on foot att all maner poyntes of war••e. ¶And the seneschal chalenged the erle of Somerset and the erle de∣lyuered hym full manfully of all his chalenges and put his aduersary vnto the worst in all po¦yntes and wāne hym there grete worshyp and the degre of the felde. And on the next day after came into the felde an other man of armes of Seneschals partye. And ayenst hym came syr Rycharde of Arundell knyght / & the Henaude had the better of hym on foot in on poynte for he brought hym on his knees. And on the thyr¦de daye come in an other man of armer in to the felde / and ayenst hym trere came. syr Iohn̄ Corne waylle knyghte / and manly and kny∣ghtly he quyte hym in all manes poyntes ayen¦ste his aduersary and had the better in the felde And on the fourth daye came a nother man of armes of Henaude in to the felde / and ayenste hym came syr Iohn̄ Chaynes sone and manly quyte hym ayenste his aduersary. For he caste hors and man into the felde / and the kyng for his manhode at that tyme dubbed hym knyght And on the fyfte day there came an other man of armes of the Henaudes partye into the fel∣de / and to hym came in Syr Iohan stewarde knyght / and manfully he quyt hym in all ma∣ner poyntes & had the better. And on the syxte daye after came an other Henaunde / and to hym came Wyllyam porter squyre and man∣fully he quyte hym and had the better in y^e fel∣de / and the kynge dubbed hym knyght that sa∣me tyme. And on the seuenthe day after came an other man of armes of Henaude in to the fel¦de & to hym came Iohan standisshe squyre and manfully he quyte hym on his aduersarye and had the better of hym in the felde and there the kynge dubbyd hym knyghte that same daye / And on the same daye came an other man of ar¦mes of Henaude / and to hym came a squyre of Gascoyne / and proudely and manly he quyte hym of hys aduersary & had the better of hym in the felde / and anone the kynge dubbed hym knyght. ¶And on the .viii. daye came into the felde two other men of armes of Henaude and wyth them mette two souldyours of Ca∣lays the whiche were two bretheren that were called Burghes / & they well and manly quyte them selfe vpon theyr aduersaryes and haddē the better of theym in the felde. and thus ended these chalenges wyth many grete lordshyppes And thenne the kynge att the reuerēce of these worthy straungers made a greate feest & gaafe vnto theym many grete and ryche gyftes and thenne they toke theyr leue and went home ayē into theyr owne countree. ¶And in the .xi. ye¦re of kynge Henryes regne the fourthe there was a grete batayl doo in smythfelde bytwene two squyres / that one was called Gloucestre that was the parlement. And Arthur was the defendaunte / and well & manly they foughten togyder longe tyme / & the kyng for theyr man∣fulnesse and of his grace toke theyr quarel into his honde and made theym to go out of the fel∣de at ones & so they were deuyded of the batayl and y^e kynge gaf them grace. ¶And in the .xii. yere of kynge Henryes regne the fourth. Rys∣dye a squyre of wales that was arybelle a ryse•• & supporter to Omē of Glendre y^t dyde moche dystruccyon to the people of wales was taken and brought to London & there he came afore the Iustices and was dampned for his treson / and than he was layd on an hurdell & soo dra∣wen to Tyburne thrugh the cyte and there he was hanged and lete downe ayē & his heed smi¦tē of and the body quartred & sente vnto foure townes and his hede sete on London brydge. ¶And in the .xiii. yere of kynge Henryes reg∣ne tho deyed syre Iohan Beauforde erle of So¦mersette. that was Capytayne of Calays and was buryed at the abbaye of the Tour hyll on whos soule god haue mercy Amen. And in the same yere the lorde Thomas kynge Henryes sone wedded the Countesse / of Somersette. ¶And in this same yere cam y^e embassatours

of Fraunce in to Englonde frome the duke of Burgoyne vnto the prynce of Englonde kyn∣ge Henryes sone & heyre for to haue helpe and socour of men of armes and archers ayenst y^e duke of Orlyaunce. And tho went ouer see the erle of Arundell. syr Gylbert Vmfreuyll erle of Keme / and the lorde Cobham syr Iohn̄ Ol¦decastelle and many other god knyghtes and worthy squyres & men of armes and good ar∣chers in to Fraunce and came to Parys to the duke of Burgoyn And there he receyued & wele¦comed these Englysshmen y^e lordes & all other meny. And than it was done hym to wete that the duke of Orlyan̄ce was comen to Semttlo¦we fast by Parys wyth a grete nōbre of armes and arbalasters / & thyder went our Englyssh¦men & foughte wyth them & gate the brydge of Sem••clowe & there they slewe moch•• people of Frensshmen & arbalasters & the remenaunte fledde & wolde not lenger abyde. And than our Englysshmē came ayen to Parys & there they toke theyr leue of the duke and came ayen in to Englonde in saufte and the duke gaafe them grete gyftes / & anone folowynge y^e duke of Orlyaunce sent enbassatours in Englond to kynge Henry the fourth bese chynge hym of hys helpe & socure / ayenst hys dedely enmye y^e duke of Burgoyn. And than the kynge made Thomas hys sone duke of Clarence. And hys other sone Iohn̄ duke of Bedforde / and hys o¦ther sone Humfrey duke of Gloucestre & Syr Thomas Beauferd erle of Dorset & the duke of Awe marle he made duke of yorke. And thā the kynge ordeyned his sone syr Thomas the duke of Clarence Thomas Beauforde erle of Dorset & syr Iohn̄ cornwyll with many other lordes knyghtes & squyres and men of armes archers for to go ouer see ī to Fraūce in helpyn¦ge and strengthynge of the duke of Orlyaū∣ce. And these whothy lordes with ther retenue shypped att Hampton & saylled ouer the see in to Normandye & londed at Hogges. And the∣re mette with theym the lorde Hambe at theyr londynge wyth .vii. thousande men of armes of Frensshmen & thre Serge auntes of armes with them and all were put to flyght & taken of theym ·vii. hondred men of armes and .iiii. hondred horses with out tho that were slayne in the felde. And so they rode forth thrugh out all Fraūce and token castels and townes and slewe moche peple of frensshmen that with sto¦de them & toke many prysoneere as they roden And so they passed forth tyll they came to Bur¦deux & there they rested theim a whyle & set the coūtre in peas & reste tyll the wynde was redy for to sayll. ¶And than the duke with his me∣nye come home in to Englonde in saufte than¦ked god / And in y^e same yere was the kynges coyn chaunged thrugh oute Englonde by the kynge & his counseyll / y^t is to saye y^e noble half noble and ferthynge of golde. ¶And the .xiiii yere of kyng Henryes regne the fourth he lete make Galays of warre for he had hoped to ha¦ue passed the grete see & so forth to Iherusalem & there to haue ended hys lyf / but god vysyted hym so soone after with Infyrmytees & grete sekenesse y^t he myght no well endure no whyle so feruently he was taken & brought in bedde at westmynster in a fayre thambre And as he laye in his hed he asked hys chāberlayll what they called that chambre that he laye in & he an¦swered & sayd Iherusalem. And than he sayde that the prophecye sayd y^t he shold make an en¦de & deye in Iherusalē And than he made him dyd vnto god & dysposed all his wyll. And so on after he dyed & was caryed by water from westmynster in a barge vnto Feuersham and from thens he was caryed to Caunterbury by londe with moche torche lyght brennynge into the abbaye of Crechyrche and there he was en¦tered & buryed besyde saynt Thomas of Caun¦terburyes shryne & thus ended the worthy kyn¦ge Henry & about mydlente sondaye in the ye∣re of oure lorde a. M.CCCC. and .xxi. vppon whoos soule god haue mercy Amen.

MArtyn the .v. was pope after Iohn̄ .xiii. yere / this man was chosen by the coun¦seyll of Constantynoble & the other was depo¦sed that strof. and so came peas in the chyrche the whiche longe tyme afore was desyred & ne∣cessarye for the defence of the fayth. This was the myghtyest pope y^t euer was of rychesse / & a grete Iuge. He edefyed townes walles stretes & he destroyed heresyes / & he dyde moche good thrughe the noble prynce Sygysmonde. And he gadred moche moneye for to geten the holy londe ayen / but deth came vppon hym & letted hym & he made a counseyll afore his deth for y^e mater & there he decessyd. ¶Eugenius was pope after Martyn .xvii. yere / this Eugenius was chosen peasyble after y^e deth of Martyn / & no man doubted but he was pope / but soon

after he was expulsed frome Rome / for it was so that he fledde naked also he was cyted to the counseyll of Basylyens & deposed / but he dys∣charged hym not / and for that begā the stryffe ayen the whiche stode to his deth. And those y^t fauoured hym sayde he was worthe moche lo∣uynge / & the contrary sayde those that were a∣yenst hym but what someuer he was after he had taken the dygnyte vpon hym afore he was of grete obstynaunce & of gode fame .& what he dyde after that I leue to the Iugement of god·