Here begynneth a shorte and abreue table on the Cronycles ...

¶Circa annū dm̄ .M.CCC.lxxx. ¶And after kynge Edwarde the thyrde that was borne in wyndesore regned Ry¦charde of Burdeux that was prynce Ed¦wardes sone of wales / the whiche prynce Edwarde was kynge Edwards sone.

ANd after the gode kynge Edward the thyrde that was borne at wyndesore re¦gned Rycharde the seconde that was the good syr Edwardes sone / prynce of wales. the why¦che kynge Rycharde was borne in the cy••ee of Burdeux in Gascoine / & was crowned at west¦mynster in the .xi. yere of hys aege. And in the secōde yere of his regne / for y^e debate that was bytwene the lorde Latymer and syr Rauf Fe∣ryers knyght that was ayenst Hawell & S••a¦kell squyre for y^e prysoner y^t was take in Spay∣ne / by these two squyres / and the whiche pryso¦ner the lorde Latymer and syr Rouf Feryers wolde haue had / the whyche prysoner was the Erle of Dene that they tooke in the batayll of Spayne / wherfore these two lordes come into the chyrche att westmynster and they founde thys one squyre to herynge his masse besyde sa¦ynt Edwardes shryne & there they sawe hym y^t whiche was called Hawell. ¶And Shakell was arested & put into the Toure of London And there he was longe tyme for he wolde not delyuer the erle of Dene his prysoner vnto the¦se two lordes / by syr Aleyn Burhyll constable of the Towre / and by Syr Raufe Feryes one of hys aduersaryes / tyll the kynge had graun∣ted hym grace. ¶In the thyrde yere of kynge Rycharde came the Galays of▪ fraunce into Englonde vnto dyuerse portes and brent and robbed and slewe moche people of Englonde that ys to saye / at wynchelsee / Rye / & Hastinge Portysmouth. and Hamp••on \ Stormore and Grauesende / and they dyd moche harme and

wente home ayen. And in this same / yere was a parlement holden at westmynster. And atte that same parlement was ordened that euery man woman and chylde that were at the aege of .xiiii. yere and aboue thrugh out all the rea∣me pore folke and other sholde paye to the ta••a¦ge / foure pens / wherfore came and befel after warde greate myscheyf & moche dysease to all the comynalte of the reame. ¶And in the .iiii. yere of kynge Rychardes regne the comynes arose vp in dyuerse partyes of the reame and dyden moche harme / the whiche tyme they cal¦led the hurynge tyme. ¶And they of Kent & of Estsex made them two cheyftayns for to rule and for gouerne the company of Kente and of Estsex. That one was called Iacke strawe and that other watte Tyler / and they come & assembled theym vppon blacke hethe in Ken∣te. And on Corpus chirsti daye after they came downe South werke / and taken vp the pry∣son hous / that is to saye the kynges bynche & the Marchelsee and delyuerde oute all the pry¦soners. And soo the same daye they came in to London and there they robbed the people and slewe all the alyens that they myghte fynde in the cyte and aboute the cyte and dyspoyled all there gode and made auowe. And on the frye¦daye next folowinge after that was on the mo∣rowe and than they came to the toure of Lon∣don and y^e kynge beynge ther in / they fette out of the Toure the Archebysshop of Caunterbu¦ry. syr Symonde Sudbery / and syr Robet ha¦lys hospyteler pryoure and mayster of Sayn•• Iohans hous / and a whyte frere that was cō∣fessoure vnto kyng Rycharde & brought them vnto the Towre hylle and there they smote of theyr heedes and came agayne in to London and slewe in othe people of the Cytye. ¶And thenne they wente vnto the. Dukes place of Lancastre beyonde saynt Mary of the stron∣de that was called the Sauoy / and there they deuoured and destoyed all the goodes that they therin myght fynde and bare them away and than they brente vp the place. And than after warde they wēte to saynt Iohn̄ without smyth felde & destroyed the godes there & brente vp y^e hous to the harde grounde / and wente to west¦mynster and saynt Martyns the graūte & ma¦de them go out of sent wary all that were with in for ony maner of gylthe / And that come vn¦to y^e Temple & to al other Innes of men of law and dyspoyle theym & robbe theym of theyr go¦des & also tooke theyr bokes of lawe / & thenne they came to London and brake vp the pryson of Newgate & drofe out all y^e prysoners felons and other / & of bothe countrees and all the peo¦ple that were wyth in theym and destroyed all the bokes of the counters. And thus they con∣tynued both saterdaye & sonday vnto the mon¦daye next after in all their malyce and wyckyd¦nes. ¶And than on mondaye kynge Rychar∣de with his lorde that were wyth hym that ty∣me & with the mayer of London wyllyam wal¦worth that was that tyme come wythe the al¦dermen and the comunes of the cyte / & they co¦me in to South werke to here and to know the entoncyon of these rebelles & mysgouered pe¦fple. And this Iacke strawe made a crye in the elde that all tke people of accorde sholde come nerer and here his claymours & his crye & hys wyll. And the lordes and the mayer and the al¦dermen mith the comynaltee hauynge indyg∣nacōn of his rouetyse & falsnes & his foule pre¦sumpcōn / Anone wyllyam walworth that ty¦me beynge mayer drewe out his knyfe & slewe Iacke straw / & anone ryght smote of his hede & sete it vppon a spere & so it was borne thrugh London and sette vpō London brydge. Anone these rysers & mysgouerned peple were vanys∣shed as it had not be they / & thenne the kyng of his greate goodnesse & by prayer of hys lordes made there .vi. knyghtes of good & worthy mē of the cyte of London / y^t is to say wyllyam wal¦worthe art y^e tyme mayer & slewe Iacke strawe and the seconde was Nycholas brembre / and the thyrde Iohan Phylipot / & y^e fourth Nycho∣las twyforde / and the fyfte Robert laundes / & the syxte Robert gayton. And than the kynge wyth hys lordes and knyghtes retorned ayen to the tour of London and there he rested hym tyll hys people were better cessed and sette in reste and peas. And than by processe of tyme as they myght take and gete these rebelles and rysers they honge theym vppon the nexte galo∣thrugh out euery lordshyp in the reame of En∣glōd by .xl. by .xxx. by .x. and by .xii. euer as they myght be gotē and taken in ony partyes. And in the .v. yere of kynge Rychardes regne was the grete erth quake and was generall thrugh out the world the wenesbaye after wytsonday in the yere of our lorde .M.CCC.lxxxxi. wher¦fore all maner people were sore agast and afer∣de

longe tyme for drede of vengeaūge that our lorde shewed and dyd. ¶And in the .vi. yere of kyng Rychard / then syr Henry spēser bysshop of Norwiche wente with a grete cōpany ouer see into Flaundres and there they gete the tow¦ne of Grauynge and the towne of burbrugge Dunkerk and Newport and there they laded and fraughted .li. shippes with pelage for to ha¦ue comen into Englond with these shyppes & goodes. And the bysshop of Norwiche and his counseyll lete brenne these shyppes with al the plege in the same hauen all into harde asshes & att Dunkerk was done a grete batayll bytwe∣ne the Flemynges and the Englysshemen. And at that batayll were slayne a grete multy∣tude of the Flemynges and a grete nōbre. And thā went y^e bysshop with hys retenue to sypers and besyeged it a longe tyme but it myght not be goten. And so left that syege and came ayen into Englonde / for oure Englysshmen were fouly destroyed and many deyed on the flyx. & in this yere come quene Anne into Englonde for to be spoused to kynge Richarde and hyr fa¦der was Emperour of almayne & kyng of Be¦me / & with hyr come the duke of Tassy hyr vn¦cle and many other worthy lordes & knyghtes of hyr countree of Beme and of other duche tonges to doo hyr reuerence and worshyp. And syr Symonde beuerle a worthy knyght of the garter and other knightes and squyres that we¦re the kynges embassatoures broughte hyr in to Englonde and soo forthe to London· And the people of the cyte / that is to saye the mayer and the aldermen and alle comynes roden a∣yenste hyr to welcome hyr. And euery man in goode araye and euery crafte wyth hys myn∣stralsye in the beste manere wyse and mette wyth hyr on the blacke hethe in Kente and soo brought hyr vnto London thrugh the cyte & so forthe vnto westmynster vnto the kynges pa∣lays. And there she was spoused vnto kynge Rycharde well and worthely in the abbaye of westmynster and there she was crowned que∣ne of Englonde. And all hyr trendes that came with hyr haddē grete gyftes and were well che¦rysshed & refresshed as longe tyme as they abo¦den there. ¶And in thys same yere there was a batayll done in the kynges palays at westme¦ster for certayne poyntes of treason bytwene syr Iohan Ansley knyght defendaūt / & Carton squyre the appellaunt. But thys syre Iohan of Ansley ouercame this Carton & made hym to yelde hym wythin the lystes. And anone was this Carton dyspoyled of his harneys & drawē out of the lystes and so forth vnto Tyburne & there he was hangyd for his falsnesse. ¶And in the .viii. yere / of the regne of kynge Rychar¦de the seconde / syr Edmonde of Langley the. Erle of Canbrydge kynge Rychardes vncle wente in to Portyngale with a fayr company of men of armes and archers in strengthynge and helpynge the kynge of Portyngale ayenst the kynge of Spayne & hys power / and there the kynge of Portyngale had the victory of his enemyes thrugh helpe & comforth of our En∣glysshmen. And whan that Iourney was do¦ne the erle of Cambridge come home ayē with his people in too Englonde in haste blessed be god his blessyd gyftes Amen· ¶And this same yere kynge Rycharde helde his Crystemas in the maner of Eltam. ¶And the same yere & ty¦me the kyng of armony fledde out of hys owne londe and came into Englond for to haue hel∣pe and socoure of our kynge ayenst hys enmy∣es that hadde dryuen hym out of hys owne re∣ame. And so he was brought vnto the kyng to Eltham there as the kynge helde his ryall feest of Crystmasse. ¶And there our kynge welco¦med hym and dyd moche reuerence & worshyp and commaunded all hys lordes to make hym all the chere that euer they coude. And than he besought the kynge of hys grace and of helpe & of his comforthe in hys nede & that he myghte be brought ayen to his kyngdome and londe. For the Turkes had deuoured and destroyed the moost parte of his londe •• and how he fled•• for drede / and come hyder for socoure and hel∣pe. And thenne the kynge hauynge on hym py¦te and compassyon of hys grete myscheyf and greuous dysease anone he tooke hys counseyll and asked what was beste to do. And they an¦swerde and sayde yf it lyked hym to gyue hym ony good it were weldone. And as touchynge hys peple for to trauell so ferre into our londes it were a grete Ieoperdye. And soo the kynge gaf hym golde and syluer and many ryche gyf¦tes and Iewels and betaught hym to god / and so he passed ayen out of Englonde. ¶And in thys same yere kynge Rycharde wyth a ryall power wente into Scotlonde for to warre vp¦pon the Scottes for the falsnes and destruccy¦on that the Scottes had done vnto Englysshe¦men

in the Marches. And than the Scottes come downe to y^e kynge for to treat wyth hym and with his lordes for trewes as for certayne yeres. And so ouer kynge & his coūseyll gaūted theym trewes for certayne yeres / and our kyn¦ge torned hym ayen in to Englōde. And whan he was comen vnto yorke there he abode and rested hym there syr Iohn Holonde the erle of Kentes broder slewe the erles sone of Staffor∣de and his heyre with a daggar in the cytee of yorke / wherfore the kynge was sore anoyed & greued and remeued thens & came to London And the mayer with the aldermen and the co∣myns with all the solempnyte that myghte be done ryden ayenst the kyng & brought hym ry¦ally thrught the cytye and so for the vnto west∣mynstre to his owne palays. ¶And in the .ix. yere of kynge Rychardes regne he helde a par¦lemēt at westmynster & there he made two du¦kes & a marqueys & fyue erles. The fyrste that mas made duke was the kynges vncle syr Ed¦monde of Langle erle of Cambridge & hym he made duke of yorke / & his other vncle syr Tho¦mas of wodstok that was erle of Bukyngham hym he made duke of Gloucestre. And syr Ly¦onuer y^t was erle of Oxford hym he made mar¦queys of Deuelyne. & Henry of Balyngbrok the dukes sone of Lancastre hym he made erle of Derby. And syr Edwarde the dukes sone of yorke hym he made erle of Ruttelond / And syr Iohan Holonde that was the Erle of Kentes broder & hym he dyde make erle of Huntyng∣don· ¶And Syr Thomas Mombraye / hym he made erle of Notyngham and the erle Mar¦shalle of Englond. And syr Mychell de lapole knygh•• hym he made erle of Southfolke and Chaunceler of Englonde. And the Erle of the Marche at that same parlemēt holden at west¦mynster in playne parlement amonges all the lordes and comyns was proclamed erle of the Marche and heyre Parente to the trowne of Englonde after kynge Rycharde / the whiche erle of the Macche wente ouer see in to Irlon∣de / vnto hys lordshyppes and londes / for the erle of Marche is erle of Vlster in Irlond and by ryght lyne & herytage. And there at the cas∣tell of hys he laye that tyme / and ther came v∣pon hym a grete multytude in busshmentes of wylde Irysshmen for to take hym and destroy hym. & he come oute fyersly of his castell wyth his people and manly faughte with the mans there he was taken & he wen all to peces and so he deyed vpon whos soule god haue mercy. ¶And in the .x. yere of kyge Rychardes reg∣ne the erle of Arundell wente to the see with a greate nauye of shyppes and armed with men of armes and goode archers / And whan they come in the brode see they mette wyth the hole flete that come with wyne lade frome Rochell the whiche wyne were enemyes goodes. And there our nauye sete vpon theym & toke theym all and brught theim vnto dyuerse portes and hauens of Englonde & some to London / & the¦re ye myght haue had a tonne of Rochel wyne of the beste for .xx. shellynges sterlynge / and so we had grete chepe of wyne in Englonde that tyme thanked be god almyghty.