Here begynneth a shorte and abreue table on the Cronycles ...

¶Anno dm̄ .viii.C.lxxiii. ¶Of kynge Alured / and how the Danys in his tyme prayed hym of mercy that they myght goo out of the londe. ¶Thys tyme came the Danys in to Englonde.

[ Aluredus.]

[illustration]

[illustration]

AFter the deth of this Eldred regned hys broder A∣lured that Dolfynes was called. ¶Tho wente the Danys and assembled them / And wente for the to seke A∣lured y^t tho was kyng newe made of South¦sex / and there they foū¦de hym atte wylton wyth a lytell people / And neuerthelesse he faught with them / but at the laste he fledde thens from the felde / and wente in to westsex and ordeyned so moche people of his owne reame / and also of other tyll that he had a stronge hoste soo that the Danys hadde no power ayenst hym to withstande. And he came to London with his hoste / and there we∣re the Danys soionrned. And there he wolde haue foughten with them. But y^e Danys dur∣ste not with hym fyght / but prayed hym of pe¦as / and that they myghte goo ayen in to theyr owne countree / and neuer to come in to Eng∣londe ayen / that is to saye ony harme for to do And vppon thys couenaunt they sholde gyue hym to pledge good hosta••es and suche as the Englysshmen wolde are.