Petitio Immunitatis Ecclesiae Cathedralis Dunelm. pro Jacobo Horsley de Novo Castro.

VIcesimo secundo die mensis Maii, Anno Dom. 1514. venit ad Ecclesiam Cathedralem Dunelm. quidam Jacobus Horsley de villa Novi Castri super Tynam, & ibi pulsata campana, ut moris est, instanter petiit Immunitatem Ecclesiae Cathedralis praedictae & Libertatem S. Cuthberti, pro eo & ex co quod idem Jacobus decimo die mensis Decembris, A^o Dom. 1513. apud Sandhill in dicta villa Novi Castri, ex insultu super eum facto, ut asseruit, per quendam Johannem Taytte, eundem Johannem Taytte cum uno dagario in dextra parte pectoris felonice & laetaliter percussit, imponendo ei plagam mortalem; de qua quidem plaga sic imposita idem Johannes Taytte incontinenti obiit. Pro qua quidem felonia sic perpetrata idem Jacobus Horsley captus & atta∣chiatus fuerat per officiarios sive ministros Domini Regis in hujusmodi villa existentes, & in prisona vocata Newgate ibidem positus; quam quidem prisonam idem Jacobus selonice fregit & evasit. Pro qua quidem felo∣nia & e prisona evasione idem Jacobus instantissime Immunitatem Ecclesiae Cathedralis praedictae & Libertatem S. Cuthberti petiit praesentibus tune ibidem Johanne Gower, Helisca Kelsay, & Thoma Byres, Dunelm. Dioces. testibus ad praemissa vocatis specialiter & rogatis.