The pricke of conscience (stimulus conscientiæ): a Northumbrian poem / by Richard Rolle de Hampole ; ed. Richard Morris.

                                
                                  And he yhelded þe gast to God and dyghed,
                                  Line 2272 
                                
                                  And swa þe saul til heven flyghed.
                                
                                  And yhit es mare wonder to telle
                                
                                  Þat God wald suffer þe devel of helle,
                                
                                  Apere til hymself þat es of myght mast,
                                  Line 2276 
                                
                                  When he suld dygh and yheld þe gast,
                                
                                  Als docturs says of haly writ,
                                
                                  In bukes thurgh whilk men may knaw it.
                                
                                  Þan semes it wele þat God wil þus
                                  Line 2280 
                                
                                  Suffer þe devel apere til us
                                
                                  In tyme of dede, at our last ende,
                                
                                  When we sal out of þis world wende,
                                
                                  Sen haly men þat here liffed right
                                  Line 2284 
                                
                                  Mught noght dygh with-outen þat sight,
                                
                                  Ne godys moder þat he loffed mare,
                                
                                  Wald noght fra þat syght spare,
                                
                                  Bot þat he graunted at hir askyng
                                  Line 2288 
                                
                                  Þat in þe tyme of hir passyng
                                
                                  Þai suld na power haf hir to dere,
                                
                                  Ne þat þe syght of þam shuld hir fere;
                                
                                  And yhit sen God hymself spard noght,
                                  Line 2292 
                                
                                  For at his dede þe devel til hym soght
                                
                                  In his manhede for swa þan he walde,
                                
                                  Als men says þat er gret clerkes calde.
                                
                                  Þan er we certayn, with-outen were
                                  Line 2296 
                                
                                  Þat at our last ende þai sal apere.
                                
                                  Bot a gret payne þan til us sal þis be
                                
                                  Þe sight of þam when we þam se;
                                
                                  For þai er swa grisely, als says þe buke,
                                  Line 2300 
                                
                                  And swa blak and foule on to loke,
                                
                                  Þat al þe men here of mydlerd
                                
                                  Of þat sight mught be aferd;
                                
                                  For al þe men here of þis lyfe
                                  Line 2304 
                                
                                  Swa grysely a sight couth noght descryfe,
                                
                                  Ne thurgh wyt ymagyn ne deme,
                                
                                  Als þai sal in tyme of dede seme,
                                
                                  Ne swa sleygh payntur never nan was,
                                  Line 2308 
                                
                                  Þogh his sleght mught alle other pas,

About this Item

Title: The pricke of conscience (stimulus conscientiæ): a Northumbrian poem / by Richard Rolle de Hampole ; ed. Richard Morris.
Canvas: Page 63
Publication: Berlin :: Published for the Philological Society by A. Asher,; 1863.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/bau1376.0001.001
Link to this scan: https://quod.lib.umich.edu/c/cme/bau1376.0001.001/107:6

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:bau1376.0001.001

Cite this Item

Full citation: "The pricke of conscience (stimulus conscientiæ): a Northumbrian poem / by Richard Rolle de Hampole ; ed. Richard Morris." In the digital collection Corpus of Middle English Prose and Verse. https://name.umdl.umich.edu/bau1376.0001.001. University of Michigan Library Digital Collections. Accessed June 20, 2025.

The pricke of conscience (stimulus conscientiæ): a Northumbrian poem / by Richard Rolle de Hampole ; ed. Richard Morris.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item