[6-text p 587]
The flemmyng seith/ and lerne it/ yf the lest/
That litle ianglyng causeth moch rest/
My son / yf þou no wykked word hast seid
The dare nat drede / for to be bewreid
Line 352
But he þat hath mysseyde / I dare wele seyn
He may by no waye / clepe his worde ageyn
Thyng þat is seid / is seid / and forth it goth
Though hym repent/ or be him leef or loth
Line 356
He is his thrall / to whom þat he hath seid
A tale/ of which/ he is now evill appayed
My son be ware / and be noon auctor newe
Of tidynges whether þey be fals or trewe
Line 360
Where-so þou com / amonges hie or lowe
Kepe well þy tung/ and thynk vpon þe crowe/.
Line 362
Hic desinit fabula Mancipij de la Crowe
