[6-text p 556]
[Oyles ablucions / and metall fusible [Eg. 2726, on leaf228]
To telle all/ wold passe ony byble
Line 857
That ougher is / wherfore as for þe best
Of all thise names / now woll I me rest
ffor as I trowe / I haue yow told ynough
To reise a feend / all loke he neuer so rough
Line 861
A nay let be / the Philizophres stone
Elixer cleped / we sechen fast ecchone
ffor hade we hym / þan were we seker ynow
But vn-to god of heuen I make a vow
Line 865
ffor all our craft/ whan we haue all do
And all our sleight/ he woll nat com vs to
He hath ymade vs spenden mochell gode [Eg. 2726 folio 228b]
ffor sorow of which / all-most we wexen wode
Line 869
But that gode hope / krepeth in our hert
Supposing euere / þough we sore smert
To be releued / by hym afterwarde
Soch supposyng / and hope is sharpe and harde
Line 873
I warne you wele / it is to sechen euere
That futer tens / hath made men disceuere
In trust there-of / from all that euer þey hadde
Yitte of þat art/ þey can nat wexen sadde
Line 877
ffor vn-to hem / it is / a bitter sweete
So semeth it / for ne hade þey but a shete
Which þat þey myght / wrape hem in at nyght
And a brat / to walk in / by day-light
Line 881
They wold hem sell / and spenden on þis craft
They con nat stynt/ tyll no thyng be laft
And euermore / where þat euere they goon
Men mow hem knowe / by smell of brymstoon
Line 885
ffor all the world / þey stynken as þe goot
Her sauour is so / rammyssh and so hoot
That though a man / a myle from hem be
The savour woll enfecte hem / trusteth me
Line 889
As thus by smell / and thredebare array
Yf that men lust / this folk they knowen may
