[6-text p 546]
(76)
¶ Thre strokes in the nekke / he smot hire tho
Line 526
The turmentour / but for no maner chaunce [folio 202a]
he myght nat smyte / al hire nekke a two
And for þere was that tyme / an ordinaunce
Line 529
That no man / shulde do man / swich penaunce
The ferthe strok to smyten / soft or soore
This turmentour / ne durste do no more
Line 532
(77)
¶ But half ded / with hire nekke I-koruen there
Line 533
he lefte hire lye / and on his wey is went
The cristene folk / which þat a-boute hire were
with shetes / han the blod ful faire I-hent
Line 536
Three dayes lyued she / in this turment
And neuere cessed / hem the feith to teche
That she had fostred / hem / she gan to preche
Line 539
(78)
¶ And hem she ȝaf / hire meebles & hire thyng
Line 540
And to the Pope vrban / bytok hem tho
And seide / I axed this of heuene kyng
To haue respit / three dayes and no moo
Line 543
To recomende to ȝow / er that I go
Theise soules lo / and that I myght do werche
heere of myn hous / perpetuelly a chirche
Line 546
(79)
¶ Seynt vrban / with hise dekenes priuely
Line 547
The body fette / and buryed it by nyghte
A-mong hise othere seyntes / honestly
hire hous / the Chirche of seynt Cecile highte
Line 550
Seynt vrban halwed it / as he wel myghte
In which / in-to this day / in noble wyse
Men don to Crist / and to his seynt seruyse [¶ Amen.]
Line 553
Heere endeth the Secund Nonnes tale;
