[6-text p 537]
(40)
¶ The palme of martirdom / for to receyue
Line 274
Seynt Cecile / fulfild of goddes ȝifte
The world and eke hire chaumbre / gan she weyue
wytnesse Tiburces / and Cecilies shrifte
To which / god of his bountee wolde shifte
Line 278
Corones two / of floures wel smellynge
And made his Aungel / hem the corones brynge
Line 280
(41)
¶ The mayde hath brought hem / to blisse a-boue
Line 281
The world hath wist / what it is worth certeyn
Deuocion of Chastitee / to loue
Tho shewed him Cecile / al open & pleyn
That alle ydoles / nys but a thyng in veyn
Line 285
ffor they ben doumbe / & þer-to they ben deeue
And charged him / his ydoles for to leeue
Line 287
(42)
¶ who so þat troweth nat this / a beest he is
Line 288
Quod tho Tiburce / if that I shal nat lye
And she gan kisse his breest / that herde this
And was ful glad / he coude trouthe espye
This day / I take the / for myn allye
Line 292
Seide this blisful / faire mayde deere
And after þat she seide / as ȝe moun heere
Line 294
(43)
¶ lo / right so / as the loue of Crist / quod she
Line 295
Made me thy brothers wyf / right in that wyse
A-noon for myn allye / heere take I the
Syn þat þou wolt / thyne ydoles despise
Go with thy brother now / and the baptise
Line 299
And make the clene / so þat þou nowe byholde
The Aungels face / of which thy brother tolde
Line 301
