¶ For out of doute / this olde poore man
Line 904
Was euere in suspect / of hire mariage
For euere he demed / sithe that it bygan
That whan the lord / fufilled had his corage
Line 907
hym wolde thynke / it were a disperage
To his estate / so lowe for to light
And voyden hire / as sone as euere he myght
Line 910
¶ A-geyns his doughter / hastily goth he
Line 911
For he by noyse of folk / knew hire comyng
And with hire olde cote / as it myght be
he couered hire / ful sorwefully wepyng
Line 914
But oon hire body / myght he it nat bring
For rude was the cloth / and she more of age
Be dayes feele / than at hire mariage [folio 102b]
Line 917
¶ Thus with hire fader / for a certeyn space
Line 918
Dwelleth this flour / of wyfly pacience
That neither by hire wordes / ne hire face
Byforn the folk / ne eke in here absence
Line 921
Ne shewed she / that hire was don offence
Ne of hire heye estate / no remembraunce
Ne had she / as by hire countenaunce
Line 924
¶ No wonder is / for in hire gret estate
Line 925
hire goost was euere / in pleyn humylite
No tendre mouth / non hert delicate
No pompe / no semblaunt of ryalte
Line 928
But ful of pacient benygnyte
Discrete / and prydles / ay honurable
And to hire husbond / ay meke and stable
Line 931
¶ Men speken of Iob / and most for his humblesse
Line 932
As clerkis whan hem list / konne wel endite
Namely of men / but as in sothfastnesse
Though Clerkis preyse wommen / but a lite
Line 935
