¶ And of ȝoure newe wyf / god of his grace
Line 841
So graunte ȝow welthe / and prosperite
ffor I wol gladly / ȝelden hire my place
In which that I was / blisful wont to be
Line 844
For sithe it liketh ȝow / my lord quod she
That whilom weren / al myn hertis rest
That I shal gon / I wyl go whan ȝow list
Line 847
¶ But there as ȝe me profre / swich doware
Line 848
As I first brought / it is wel in my mynde
It were my wreched clothes / no thyng faire
The which to me / were hard now for to fynde
Line 851
O goode god / how gentyl and how kynde
Ȝe semed by ȝoure speche / and ȝoure vysage
The day / that maked was / oure mariage
Line 854
¶ But soth is seid / algate I fynde it trewe
Line 855
For in effect / it preued is on me
loue is nought old / as whan that it is newe
But certes lord / for noon aduersitee
Line 858
To deye in this cas / it shal nat be
That euere in word or werk / I shal repent
That I ȝow ȝaf myn hert / in hole entent
Line 861
¶ My lord ȝe wot / that in my fadres place
Line 862
Ȝe dide me stripe / out of my poore wede
And richely me elad / of ȝoure grace
To ȝow brought I nat ellis / out of drede
Line 865
But filthe and nakednesse / and maydenhede
And heere a-geyn / my clothyng I restore
And eke my weddyng ryng / for eueremore
Line 868
¶ The remenaunt of ȝoure Ioweles / redy be
Line 869
With-inne ȝoure chaumbre / I dar it safly seyn
Naked out of my fadres hous / quod she
I cam / and naked mot I turne a-geyn [folio 102a]
Line 872
