¶ For which it semed thus / that of hem two
Line 715
There nas but oo wyl / for as Walter lest
The same lust / was hire pleasaunce also
And god by thanked / as fel for the best
Line 718
She shewed wel / for no worldly vnrest
A wyf as of hire self / no thyng ne shulde
Wyln in effect / but as hire husbonde wolde
Line 721
¶ The sclaunder of Wautere / ofte and wyde sprad
Line 722
That of cruel herte / he wykkedly
For he / a pore womman / wedded had
hath mordred / bothe hise children preuyly
Line 725
Swich murmur / was a-mong hem comounly
No wonder is / for to the peeples Ere
There cam no word / but that they mordred were
Line 728
¶ For which / there as his peeple ther byfore [¶ Ceperit sen|sum de Waltero decolor fama crebescere:—]
had loued him wel / the sclaunder of his defame
Mad hem / that they him hated therfore
To ben a mortherere / is an hateful name
Line 732
But nathelees / for ernest or for game
he of his cruel purpos / nold he stynt
To tempte his wyf / was sette al his entent [folio 100b]
Line 735
¶ Whan that his doughter / twelue ȝer was of age
Line 736
he to the courte of Rome / in subtyl wyse
Enformed of his wyl / sent his message
Comaundyng hem / swich bulles to deuyse
Line 739
As to his cruel purpos / may suffise
How that the Pope / as for his peeples reest
Bad him to wedde / a-nother if him list
Line 742
¶ I sey he bad / they shulde countrefete
Line 743
The Popes bulles / makyng mencion
That he hath leue / his first wyf to lete
As by the Popes / dispensacion
Line 746
