¶ Ȝe be my lord / doth with ȝoure owyn thynge
Line 652
Right as ȝow list / asketh no reed of me
For as I left at home / al my clothynge
Whan I first cam to ȝow / right so quod she
Line 655
Lefte I my wylle / and my liberte
And toke ȝoure clothynge / wherfore I ȝow preye
Doth ȝoure plesaunce / I wol ȝoure lust obeye
Line 658
¶ And certes if I had had / prescience [¶ Fac senciam tibi placere quod moriar volens moriar]
Ȝoure wyl to knowe / or ȝe ȝoure lust me tolde
I wold it don / with-outen negligence
But now I wot ȝoure lust / and what ȝe wolde
Line 662
Al ȝoure plesaunce / ferme and stable I holde
For wyst I / that my deth / myght do ȝow eese
Right gladly wold I deye / ȝow to please
Line 665
¶ Deth may nat make / no comparisone
Line 666
Vn-to ȝoure loue / and whan this Markys say
The constaunce of his wyf / he cast a-doune
hise eyen two / and wondreth that she may
Line 669
In pacience suffre / al this array
And forth he goth / with drery countenaunce
But to his herte / it was right gret plesaunce
Line 672
¶ This vgly Sergeaunt / in the same wyse
Line 673
That he hire daughter caught / right so he
Or werse / if men can werse deuyse
hath hent hir sone / that ful was of beaute
Line 676
And euere in oone / so pacient was she
That she no chere made / of heuynesse
But kyst hire sone / and after gan him blisse
Line 679
¶ Saue this she preyed him / if that he myght
Line 680
hire lytel sone / he wolde in erthe graue
hise tendre lymes / delicat to sight
ffro foules and fro bestes / for to saue
Line 683
