To tempte his wyf / ȝet oftere if he may
Line 620
O nedlees / was she tempted in assay
But wedded men / ne knowe no mesure [¶ Nota]
Whan that they fynde / a pacient creature
Line 623
¶ Wyf quod this Markys / ȝe han herd or this [¶ Et olim ait audisti populum meum egre nostrum ferre connubium & c']
My peeple sekerly / beren oure mariage
And namely / sithen my sone / I-born is
Now is it werse / than euere in al oure age
Line 627
The murmur sleeth myn herte / & myn corage
For to myn Eres / cometh the voys so smerte
That it wol ny / destroyed hath myn herte
Line 630
¶ Now sey they thus / whan wauter is a-goon
Line 631
Than shal the blode / of Ianicle succede
And be oure lord / for other han we noon
Swich wordes seyn my peeple / it is no drede
Line 634
Wel ought I / of swich murmur / take hede
For certeynly / I drede / swich sentence
Though they nouȝt pleyne & speke / in myn audience
Line 637
¶ I wolde lyue in pees / if that I myght
Line 638
Wherfore / I am disposed / vtterly
As I his Suster / serued be nyght
Right so thynke I / to serue him preuyly
Line 641
This warne I ȝow / for ȝe nat sodeynly
Out of ȝoure selue / for no woo shulde outraye
Beth pacient / and ther-of I ȝow preye [folio 99b]
Line 644
¶ I haue quod she / seid thus / and euere shal
Line 645
I wol no thyng / ne nyl no thyng certeyn
But as ȝow list / nought greueth me at al
Though that my doughter / & my sone be slayn
Line 648
At ȝoure comaundement / that is to slayn [[sic]]
I haue nought had no part / of children tweyne
But first sykenesse / and after woo and peyne
Line 651
