In vertue / he considered ful right
hire bounte / and disposed that he wolde
wedde hire oonly / if euere he wedde shulde
Line 245
¶ The day of weddynge cam / but no wyght can
Line 246
Telle what womman / that it shulde be
ffor which meruayle / wondreth many a man
And seyden / whan they weren / in preuyte
Line 249
wyl nat oure lord / ȝet leuen his vanyte
wyl he nat wedde / allas allas the whyle
why wyl he thus / hym self / and vs begyle
Line 252
¶ But nathelees this Markys / hath don make
Line 253
Of gemmes / sette in gold / and in Asure
Broches and rynges / for Grisildes sake
And of hire clothynge / toke he the mesure
Line 256
Of a mayden / lyke / vn-to hire stature
And eke of othere / ornamentis alle
That vn-to swich a weddynge / shulde falle
Line 259
¶ The tyme of vnderne / of the same day
Line 260
Approcheth / that this weddynge / shulde be
And al the paleys / put was in a-ray
Bothe halle and chaumbres / eche in his degree
Line 263
houses of office / stuffed with plentee
There maist þou se / of deynteuous vetaille
That may be founde / as fer as lasteth ytaille
Line 266
¶ This ryal Markys / richely arayed
Line 267
lordes and ladyes / in his companye
The which / vn-to the feest / were I-preyed
And of his retenue / the bachelerye
Line 270
With many a soun / of sondry melodye
vn-to the village / of the which I tolde
In this array / the right weye they holde
Line 273
