how that oure dayes / passe in sondry gyse
For though we slepe or wake / or rome or ryde
Ay fleeth the tyme / it wyl no man a-byde
Line 119
¶ And though ȝoure grene ȝouthe / floure as ȝet
Line 120
In crepeth age alwey / as stille as ston
And deth manaceth euere age / and smyt
In ech estate / for there eskapeth noon.
Line 123
And also certeyn / as we knowen echon
That we shuln deye / and vncerteyne we alle
Ben of that day / whan deth shal on vs falle
Line 126
¶ Accepteth thanne of vs / the trewe entent
Line 127
That neuere ȝet / refuseden ȝoure heeste
And we wyln lord / if that ȝe wyln assent
Chese ȝow a wyf / in short tyme at the leste
Line 130
Born of the gentillest / and of the meste
Of al this lond / so that it ought seme
honour to god and ȝow / as we can deme
Line 133
¶ Delyuere vs out / of al this besi drede
Line 134
And take a wyf / for heye goddis sake
For if it so byfel / as god for-bede
That thurgh ȝoure deth / ȝoure lynage shuld slake
Line 137
And that a straunge successour / shuld take
Ȝoure heritage / O woo were vs on lyue [folio 94a]
Wherfore we preye ȝow / hastily to wyue
Line 140
¶ Here meke preyere / and here pytous chere
Line 141
Made the Markys hert / hane pytee
Ȝe wyln quod he / myn owen peeple deere
To that I neuere erst thought / streyne me
Line 144
I me reioysed / of my liberte
That selde tyme / is founde in mariage
Ther I was free / I must ben in seruage
Line 147
