The Cambridge ms. Dd. 4. 24. of Chaucer's Canterbury tales, completed by the Egerton ms. 2726 (the Haistwell ms) Ed. by Frederick J. Furnivall ...

                                
                                  And ther-to comen / of so lowe a kynde
                                
                                  That lytel wonder is / though I walwe & wynde
                                
                                  So wolde god / myn hert wold brest
                                
                                  Is this quod she / the cause of ȝoure vnrest
                                  Line 1104 
                                
                                  Ȝee certeynly quod he / no wonder is
                                
                                  Nowe sire quod she / I coude amende al this [folio 79b] 
                                
                                  If that me list / er it were dayes three
                                
                                  So wel ȝe myght bere ȝow / vn-to me
                                  Line 1108 
                                
                                  ¶ But for ȝe speken / of swich gentilnesse [¶ Nota causas generositatis] 
                                
                                  As is descendid / out of olde richesse
                                
                                  That therfore ȝe shulden / ben gentilmen
                                  Line 1111 
                                
                                  Swich arrogance / is nat worth an hen [¶ arrogance is pride] 
                                
                                  loke who that is most / vertuous al-wey
                                
                                  Preue and apert / and most entendeth ay
                                
                                  To do the gentil dedis / that he can [¶ Nota verissimam causam generosi|tatis] 
                                
                                  Take him for the grettist / gentil man
                                
                                  Crist wol we clayme of him / our gentilnesse
                                  Line 1117 
                                
                                  Nought of our eldres / for here old richesse
                                
                                  ffor though they ȝeue vs / al here heritage
                                
                                  ffor which we cleyme / to be of hey parage
                                  Line 1120 
                                
                                  Ȝet may they nat be-quethe / for no thyng
                                
                                  To noon of vs / here vertuous leuyng
                                
                                  That mad hem gentil men / called to be
                                
                                  And bad vs folwen hem / in swich degree
                                  Line 1124 
                                
                                  wel can the wys Poete / of fflorence
                                
                                  That hight Dant / speken of this sentence
                                
                                  lo in swych maner ryme / is Dantes tale
                                
                                  fful seld vp riseth / by his braunches smale
                                  Line 1128 
                                
                                  Prowesse of man / for god of his goodnes
                                
                                  wol / that of him we clayme / oure gentilnes
                                
                                  ffor of oure auncestres / mow we no thyng clayme
                                
                                  But temporal thyng / that man may hurt & mayme
                                  Line 1132 
                                
                                  Euery wyght wot this / as wel as I
                                
                                  If gentilnesse were plaunted / naturelly
                                
                                  vn-to a certeyn lynage / doun the lyne
                                
                                  Pryue and apert / than wold they neuere fyne

                                  Line 1136

Pages

Index

About this Item

Title: The Cambridge ms. Dd. 4. 24. of Chaucer's Canterbury tales, completed by the Egerton ms. 2726 (the Haistwell ms) Ed. by Frederick J. Furnivall ...
Author: Chaucer, Geoffrey, d. 1400.
Canvas: Page 199
Publication: London,: Pub. for the Chaucer Society by K. Paul, Trench, Trübner & Co.,; 1902.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/ash3725.0001.001
Link to this scan: https://quod.lib.umich.edu/c/cme/ash3725.0001.001/221

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:ash3725.0001.001

Cite this Item

Full citation: "The Cambridge ms. Dd. 4. 24. of Chaucer's Canterbury tales, completed by the Egerton ms. 2726 (the Haistwell ms) Ed. by Frederick J. Furnivall ..." In the digital collection Corpus of Middle English Prose and Verse. https://name.umdl.umich.edu/ash3725.0001.001. University of Michigan Library Digital Collections. Accessed June 19, 2025.

The Cambridge ms. Dd. 4. 24. of Chaucer's Canterbury tales, completed by the Egerton ms. 2726 (the Haistwell ms) Ed. by Frederick J. Furnivall ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item