Who the freike was in faith, þat fraynit his nome.
The said the lord was Vlixes, þat he lost hade.
When Telagon the tale of the tru herd,
Line 13928
Þat his fader was fey of his fell dynt,
He brait out with a birre of a bale chere,
And said:—"Alas! for this lure, þat I lyue shuld!
I haue faryn out of fere laund my fader to seche,
Line 13932
Me to solas in sound, as a sone owe;
And now I done haue to deth, in my derf hate,
Þat my solas & socour sothely shuld be!"
With fainttyng & feblenes he fell to þe ground
Line 13936
All dowly, for dole, in a dede swone.
Whan he wackont of wo, he wan vpo fote,
All-to rechit his robis & his ronke here;
ffowle frusshet his face with his felle nailes.
Line 13940
Þan he fell to þe fete of þe fre kyng,
And told hym full tyte, þat Telagon he was,
His son, þat on Circes sothely was getton:—
"Þat þou gate on þi gamyn, as vngrate felle;
Line 13944
And if þou degh of this dynt, by destany þus,
Oure goddis graunt me þat grace, þat I go with, [folio 213a]
And no lengur to lyue in no lond after."
When Vlixes þe lord lyuely persayuit,
Line 13948
Þat he to Circes was son, þat hym-self gat,
He fauort hym more faithly, & frely comaundit,
To sese of his sorow, and sobur his cher.
Þen for Telamoc, þe tothir son, tomly he sent,
Line 13952
And he come out of kepyng to his kid fadur;
Wold haue britnet his brothir with a bare sword,
fforto dere for þe deth of his du lord.
Ȝet Vlixes on lyue, as þe led myght,
Line 13956
With gronyng and greue gert hym to stynt;
Bad þe lede schuld hym leue, as his lofe brothir,
