Priam a prise towmbe prestly gart make,
And the bodyes of þo bold buried þerin, [folio 148b]
With solenité & Sacrifice suche as þai vsit:
Couert hom clanly, closet hom to-gedur.
Line 9616
Myche tene in the tenttes with tulkes was made,
With dynnyng & dole for dethe of hor lord.
Þai broght hym to berynes, þo buernes onon,
And closit hym clanly in a clere towmbe.
Line 9620
Þen to-gedur thai gone, the gret by assent,
To chese hom a cheftain by charge of hom all,
By assent of hom-selfe a souerain to make,
Syn Palomydon þe prise put was to dethe.
Line 9624
By agrement of þo grete, & the good Nestor,
Þai grauntid Agamynon the gre for to haue,
Ches hym for cheftain, & chargit hym þerwith.
