Here Begynnys the xxiij Boke: of the xij and xiij Batell.
The tyme of the tru turnyde to end,
Line 9400
Vnto batell þai busket vppon bothe haluys:
ffuersse was the folke, þat to feld came,
And with a stoure, þat was stronge, stryken to|gedur.
Deffibus derfly drof to a greke,
Line 9404
Þat Cresseus was cald, kyng of Agresta;
He gird hym thurgh the guttes with a grym speire,
Þat he light on the lond, & the lyue past.
Myche sorow was þere sene for þe sure kyng,
Line 9408
Sore greuyt the grekes for grefe of hym on!
All fond to þe fight, febill of hertis,
The bold men on bake were borne with the troiens,
And mony kant man kyld with caupyng of swerdes.
Line 9412
Then Dyomede, the derfe kyng, drogh into batell, [folio 145b]
Palomydon full prudly, with prise men of armys,
With auntrus Aiax, abill of dedis,
And xxti M. þro men þrang in with thes.
Line 9416
The stoure was full stithe, þo stuerne men be|twene,
Mony dyet in þe dale, dole to be-hold!
