Iff yow do þus in dede, hit doghis the bettur:
And yf þou set noght our saghe, se what will fall,
Of harme in a hond qwhile highand the to!
Thou bes ded for þe dede dernly þi selfe;
Line 5004
All þi pepull be perisshit & put out of lyue;
Thy Cité & þi Sid londe sesit in were,
Betyn and brent doun vnto bare askes;
The Rewme þurgh Riden, robbed þi goodis,
Line 5008
Set vnder seruage & sorow for euer!"
THE ONSWARE OF PRIAM TO VLEXES.
When Priam persayuit had all his proude wordes,
He onswared Vlixes vne vponone,
Withouten counsell of knightes or any kyde lordis.
Line 5012
ffull soberly he said all in sad speche,—
"Me meruells full mekill of your mayne þrete,
And angers me full euyll your angard desyre,
When ye couet by course, with vnkynd fare,
Line 5016
Satisfaccioun to be sent fro my selfe euyn,
Syn ye are cause of þis care, & curstly haue don.
My souerayn ye slogh, & my sybbe fryndes;
My folke put into pyne, pild all my Rewme;
Line 5020
Moche disseese ye me did, no redresse made.
Exiona, my suster, in seruage ye put,
And fele of my ffryndes into fer londes,
In hordam & harlatry vnhyndly to lye;
Line 5024
Not keppit hir kyndly, as a kynges doughter,
But laithly in lechery, lengyng to dwelle:
And menen me with manas Amendes to bede!
I wold sothely, my Selfyn, sittyn with the harme [folio 78b]
Line 5028
Of the dethe & the dole of my dere fader,
In obryggyng of batell, & blode to be spilt.
And on message I made a mon of myn owne,
Antinor I ordant þat erende to wende,
Line 5032
