I. La estorie del Euangelie. (A FRAGMENT.) [Ed. before by me in Engl. Stud., viii. 2.]
(Title:) [folio Ciiib] I ceste liuere est escrit la estorie del Euangelie en engleis solum ceo ke ele est escrit en latin, et continue de la Anunciacion nostre seignour Ihesu crist. De la Natiuite be|nette. De sa Passion. De sa Resurexion. De sa Ascension e de sa Glorificacion. Et de soun Auenement a Jugement et de nostre presentement en cors en alme.
(Picture cut out.)
Sum-while ich was wiþ sunne i-bounde,
And sunne me hath icast to grounde;
Bote, swete Ihesu, þi swete woundus
Leesed me haþ of harde stoundus.
Line 4
Whon I to þe tornde my þouht,
Pynes to þole ne greueþ me nouht;
Þy Deþ me haueþ of serwe i-brouht
And loue to þe in me haþ wrouht.
Line 8
Þe to loue is al my blisse,
Me longeþ sore þi woundus to kisse.
Swete Ihesu, my þouht þou wisse,
On þe to þenche þat I ne misse.
Line 12
ffole þouhtes me were woned to tille,
ffeole tymes to don ille,
In word, In dede, In wikked wille,
Niht and Day, al me to spille:
Line 16
Bote whon I me vndurstod
Þat þou for me scheddest þi blod,
ffolye to leue me þhouhte good
And to þe, Ihesu, I tornde my mood.
Line 20
Bote ȝit I me bi-gon to drede
Þat he þat eggeþ mon to quede
Wiþ sunfol þouht me wolde lede
To wikked wille or fool dede.
Line 24
